༄༅།།ཧྲེན་ཀྲེན་བྱང་ངོས་འབབ་ཚུགས་སུ་འཕྲུལ་མིའི་ཉེན་རྟོག་རུ་ཁག་ཐོན་པ།
གསར་འགྱུར་སྤེལ་དུས། 【2018ལོའི་ཟླ་ 02ཚེས་08ཉིན། 12:34】 (རྩོམ་སྒྲིག་འགན་འཁུར་པ། མཁའ་འགྲོ།)
མི་དམངས་དྲ་བའི་འཕྲིན། ཉེ་ཆར། ཁྲིམས་འགལ་ཉེས་གསོག་ལ་རྡུང་རྡེག་ཇེ་ཆེར་བཏང་སྟེ། འགྲུལ་པ་ཚོ་བདེ་འཇགས་ངང་ཕྱི་རུ་བསྐྱོད་པའི་འགན་སྲུང་བྱེད་ཆེད། ཧྲེན་ཀྲེན་ལྕགས་ལམ་ཉེན་རྟོག་ཕྱོགས་དང་ཧྲེན་ཀྲེན་གྲོང་ཁྱེར་གྱི་མི་བཟོས་རིག་ནུས་ལས་རིགས་མཐུན་ཚོགས་ཀྱིས་ཧྲེན་ཀྲེན་བྱང་ངོས་འབབ་ཚུགས་སུ་ཉེན་རྟོག་པའི་འཕྲུལ་མི་20བེད་སྤྱད་དེ། འཕྲུལ་ཆས་ཉེན་རྟོགས་རུ་ཁག་ཏུ་གྲུབ་ཅིང་། དཔྱིད་གསར་གྱི་སྐྱེལ་འདྲེན་ལ་གཞོགས་འདེགས་བྱས་པ་རེད། “དམིགས་བསལ་”བདེ་སྲུང་རུ་ཁག་འདིར་ནུས་པ་མང་པོ་གཅིག་ཏུ་འདུས་པས། སྤྱི་བདེ་ལས་ཁུངས་ལ་བདེ་འཇགས་སྐོར་ཞིབ་དང་། ལྟ་སྐུལ་ཚོད་འཛིན་གྱི་ཉེན་བརྡ་གཏོང་ཐུབ་པ་མ་ཟད། འགྲུལ་པར་བདེ་འཇགས་དང་བློ་འདྲིའང་མཁོ་འདོན་ཐུབ་ཀྱི་ཡོད།