༄༅།།བོད་ལྗོངས་ཀྱི་ཁེ་ལས་གཉིས་རྒྱལ་ཡོངས་ཀྱི་བཟའ་བཅའ་གཙོ་བོ་ལས་སྣོན་ལས་རིགས་ཀྱི་
དཔེ་སྟོན་ཁེ་ལས་ལ་བདམས་པ།

     མི་དམངས་དྲ་བའི་འཕྲིན། ། བོད་ལྗོངས་ཉིན་རེའི་ཚགས་པར་ཐོག་གནས་ཚུལ་སྤེལ་བ་གཞིར་བཟུང་། བོད་རང་སྐྱོང་ལྗོངས་ཞིང་འབྲོག་ཐིང་ནས་ཤེས་རྟོགས་བྱུང་བར། ཉེ་ཆར། ཞིང་ལས་པུས་རྒྱལ་ཡོངས་ཀྱི་བཟའ་བཅའ་གཙོ་བོ་ལས་སྣོན་ལས་རིགས་ཀྱི་དཔེ་སྟོན་ཁེ་ལས(ཁག་ལྔ་པ)ཀྱི་མིང་ཐོ་ཡོངས་བསྒྲགས་བྱས་ཤིང་། དེའི་ནང་བོད་ལྗོངས་ཀྱི་བོད་ལྗོངས་སྐལ་བཟང་ནས་ཀྱི་བཟའ་བཅའ་ཚན་རྩལ་ཚད་ཡོད་ཀུང་སི་དང་བོད་ལྗོངས་གཙང་གཞུང་ཁྱད་ལྡན་ཞིང་ལས་ཐོན་ཟོག་ཚན་རྩལ་འཕེལ་རྒྱས་ཚད་ཡོད་ཀུང་སི་ཚུད་ཡོད། མིག་སྔའི་བར་བོད་ལ་རྒྱལ་ཡོངས་ཀྱི་བཟའ་བཅའ་གཙོ་བོ་ལས་སྣོན་ལས་རིགས་ཀྱི་དཔེ་སྟོན་ཁེ་ལས་ཁྱོན་བསྡོམས་4ཡོད་པ་རེད།
     ཤེས་རྟོགས་བྱུང་བར་གཞིགས་ན། བཟའ་བཅའ་གཙོ་བོ་ལས་སྣོན་ལས་རིགས་ཀྱི་འཕེལ་རྒྱས་ལ་སྐུལ་འདེད་དང་། ཞིང་ལས་མཁོ་སྤྲོད་ཕྱོགས་ཀྱི་གྲུབ་ཆའི་རང་བཞིན་གྱི་སྒྱུར་བཅོས་ལ་སྐུལ་འདེད། གྲོང་ཁྱེར་དང་གྲོང་གསེབ་ཀྱི་གྲོང་མིའི་འཛད་སྤྱོད་རིམ་སྤོར་གྱི་དགོས་མཁོ་སྐོང་བ། མི་དམངས་མང་ཚོགས་ཀྱི་འཚོ་བའི་སྤུས་ཚད་དང་བདེ་ཐང་གི་ཆུ་ཚད་མཐོ་རུ་བཅས་གཏོང་ཆེད། ཞིང་ལས་པུས་རྒྱལ་ཡོངས་ཀྱི་བཟའ་བཅའ་གཙོ་བོ་ལས་སྣོན་ལས་རིགས་ཀྱི་དཔེ་སྟོན་ཁེ་ལས་དཔྱད་འདེམས་ལས་དོན་སྒྲིག་འཛུགས་ཀྱིས་སྤེལ་བ་རེད། བོད་ལྗོངས་ཀྱིས་འབྲེལ་ཡོད་ཁེ་ལས་སྒྲིག་འཛུགས་ཧུར་ཐག་བྱས་ནས་འདུན་ཞུ་བྱས་པ་དང་། བྱེད་པོ་སྐྱེད་སྲིང་མྱུར་པོ་དང་སྤུས་རྟགས་འཛུགས་སྐྱོང་ལ་ཤུགས་སྣོན་བརྒྱབ་སྟེ་དཔེ་མཚོན་བཏོན་པས་ཕན་འབྲས་བཟང་པོ་ཐོན་ཡོད་པ་རེད།