འཚོལ་བཤེར།   
藏文频道
2018ལོའི་ཟླ་1ཚེས་9ཉིན།
  • མི་དམངས་དྲ་བ།

    ༄༅།།གཟི་ཚ་སྡེ་དགུའི་མཛེས་ལྗོངས་ཁུལ་གྱིས་ཁུལ་ཕྱེ་ནས་རིམ་གྱིས་སྒོ་མོ་འབྱེད་རྒྱུ་དང་སྤ་སེའི་
    རིན་གོང་དམའ་རུ་གཏོང་རྒྱུ་ཡིན་པ།

    གསར་འགྱུར་སྤེལ་དུས།  【2018ལོའི་ཟླ་ 01ཚེས་09ཉིན། 11:01】   (རྩོམ་སྒྲིག་འགན་འཁུར་པ། མཁའ་འགྲོ།)

     
         མི་དམངས་དྲ་བའི་འཕྲིན། ཟླ་1ཚེས་7ཉིན། གཟི་ཚ་སྡེ་དགུའི་མཛེས་ལྗོངས་ཁུལ་གྱིས་ཁུལ་དང་དུས་མཚམས་ཕྱེ་ནས་རིམ་གྱིས་སྒོ་མོ་འབྱེད་རྒྱུ་མ་ཟད། སྤ་སེའི་རིན་གོང་ཡང་དམའ་རུ་བཏང་སྟེ་མཛེས་ལྗོངས་ཁུལ་སྤྱི་ཕན་གྱི་ངོ་བོར་འགྱུར་རྒྱུ་རེད།
         འདི་ནི་ཉིན་ཤས་གོང་སི་ཁྲོན་ཞིང་ཆེན་རྔ་པ་བོད་རིགས་དང་ཆའང་རིགས་རང་སྐྱོང་ཁུལ་ཨུད་ཀྱི་ཧྲུའུ་ཅི་ལིའུ་ཙུའོ་མིང་གི་ས་ནས་ཤེས་པའི་གནས་ཚུལ་ཞིག་རེད། ཁོང་གིས་ཁྲེང་ཏུའུ་རུ་འཚོགས་པའི་2018ལོའི་རྔ་པ་ཁུལ་ཡུལ་སྐོར་ཁྲོམ་ར་བསྐྱར་དར་ལས་དོན་བཞུགས་མོལ་ཚོགས་འདུའི་ཐོག“གཟི་ཚ་སྡེ་དགུས་ས་ཁོངས་དང་དུས་མཚམས་ཕྱེ་ནས་རིམ་གྱིས་སྒོ་མོ་འབྱེད་རྒྱུ་དང་ལོ་གསུམ་གྱི་རྗེས་སུ་སླར་གསོ་ཡག་པོ་ཐུབ་རྒྱུ་རེད། ང་ཚོས་བློ་རིག་ལྡན་པའི་མཛེས་ལྗོངས་ཁུལ་ཧུར་ཐག་བསྐྲུན་ནས་སྤ་སེ་མངགས་ཉོའི་ལམ་ལུགས་ཕྱོགས་ཡོངས་ནས་ལག་ལེན་བསྟར་རྒྱུ་ཡིན”ཞེས་བཤད།
         གསར་འགོད་པས་བཅར་འདྲི་བྱས་ནས་ཤེས་རྟོགས་བྱུང་བར། རྔ་པ་ཁུལ་གྱིས་གཟི་ཚ་སྡེ་དགུའི་སྤ་སེའི་རིན་གོང་ལ་ཞིབ་འཇུག་བྱེད་བཞིན་ཡོད་པ་དང་། བསྐྱར་སྐྲུན་བྱས་རྗེས་མཛེས་ལྗོངས་ཁུལ་རྒྱལ་ཁབ་སྤྱི་གླིང་གི་མཛེས་ལྗོངས་གྲགས་ཅན་གྱི་སྤྱི་ཕན་ངོ་བོར་འགྱུར་རེ་ཡོད་པ་རེད།
         སི་ཁྲོན་ཞིང་ཆེན་སྲིད་གཞུང་གིས་2017ལོའི་ཟླ་11ལ་བཀྲམ་པའི《“8·8”གཟི་ཚ་སྡེ་དགུའི་གེགས་རྗེས་ཀྱི་སླར་གསོ་བསྐྱར་སྐྲུན་གྱི་སྤྱིའི་འཆར་འགོད》གཞིར་བཟུང་། ཀྲུང་དབྱང་ནོར་སྲིད་ཀྱི་རྒྱབ་སྐྱོར་འོག སི་ཁྲོན་གྱིས་མ་དངུལ་སྒོར་དུང་ཕྱུར་118བཏང་ནས་ལོ་གསུམ་གྱི་དུས་ཡུན་རིང་གཟི་ཚ་སྡེ་དགུའི་གེགས་རྗེས་སླར་གསོ་བསྐྱར་སྐྲུན་གྱི་ལས་འགན་སྤྱིར་ན་ལེགས་སྒྲུབ་ཐུབ་རྒྱུ་མ་ཟད། བདེ་འཇགས་ཚོད་སྐོར་གྱི་རྨང་གཞིའི་ཐོག་མཛེས་ལྗོངས་ཁུལ་གྱི་སྒོ་མོ་སྔ་ཙམ་འབྱེད་རྩིས་ཡོད་པ་རེད།
         ངོ་སྤྲོད་བྱས་པར་གཞིགས་ན། གོམ་སྟབས་རྗེས་མར་རྔ་པ་ཁུལ་གྱིས་ཡུལ་སྐོར་དར་རྒྱས་དང་འཕེལ་རྒྱས་གཏོང་བའི་བསམ་འཆར་བཏོན་ནས་བསྐྱར་སྐྲུན་གྱི་བླང་བྱ་དང་འཕེལ་རྒྱས་ཀྱི་དུས་མཚམས་སྔར་བས་ཁ་གསལ་དུ་བཏང་སྟེ་ཁྲོམ་རར་སྔོན་དཔག་དང་ཁྲིད་སྟོན་གསལ་པོ་བྱ་རྒྱུ་ཡིན་པ་རེད། 
      

    ཕྱོགས་བསྡུས་གསར་འགྱུར།