༄༅།།ཨ་རབ་རྒྱལ་ཁབ་ཀྱིས་ཨ་རིས་ཅེ་རུས་ས་ལེམ་དབྱི་སི་རལ་གྱི་རྒྱལ་ས་ཡིན་པ་ཁས་བླངས་པའི་
ཐག་བཅད་པར་མུ་མཐུད་ནས་འགོག་རྒོལ་བྱེད་རྒྱུ་ཡིན་པ།
གསར་འགྱུར་སྤེལ་དུས། 【2018ལོའི་ཟླ་ 01ཚེས་08ཉིན། 16:47】 (རྩོམ་སྒྲིག་འགན་འཁུར་པ། མཁའ་འགྲོ།)
མི་དམངས་དྲ་བའི་འཕྲིན། ཟླ་1ཚེས་6ཉིན། ཨ་རབ་རྒྱལ་ཁབ་དྲུག་ནས་ཡོང་བའི་ཕྱི་འབྲེལ་པུའུ་ཀྲང་ངམ་ཕྱི་འབྲེལ་བློན་ཆེན། དེ་བཞིན་ཨ་རབ་རྒྱལ་ཁབ་མནའ་འབྲེལ་གྱི་དྲུང་ཡིག་ཆེ་མོ་བཅས་ཅོར་ཏན་རྒྱལ་ཁབ་ཀྱི་རྒྱལ་ས་ཨན་མན་གྲོང་ཁྱེར་དུ་གྲོས་ཚོགས་འཚོགས་ནས་ཨ་རིས་ཅེ་རུས་ས་ལེམ་དབྱི་སི་རལ་གྱི་རྒྱལ་ས་ཡིན་པ་ཁས་བླངས་པའི་ཐག་བཅད་པ་འདིར་འགོག་རྒོལ་དང་རྒོལ་གཏམ་གཏོང་རྒྱུ་ཡིན་ཞེས་བསྐྱར་བསྒྲགས་བྱས་པ་དང་། ཨ་རབ་རྒྱལ་ཁབ་ཀྱིས་ཅེ་རུས་ས་ལེམ་གྱི་གནད་དོན་ཐད་ཀྱི་ལངས་ཕྱོགས་མཐའ་འཁྱོངས་བྱ་རྒྱུ་ཡིན་ཞེས་བསྟན་པ་རེད།