༄༅།།དགུན་དལ་སྐབས་གྲོང་གསེབ་ཀྱི་འཚེམ་དྲུབ་མས་ཡོང་འབབ་གསོག་པར་བྲེལ་བ།

     མི་དམངས་དྲ་བའི་འཕྲིན། ད་ཕན་ལོ་ཤས་རིང་། ཀུའེ་ཀྲོའུ་ཞིང་ཆེན་ཤར་ལྷོའི་མེའོ་རིགས་དང་ཏུང་རིགས་རང་སྐྱོང་ཀྲོའུ་ཐའེ་ཅང་རྫོང་གིས“དྲ་སྦྲེལ+ཁེ་ལས+ཞིང་དུད”བཅས་ཀྱི་རྣམ་པ་བརྒྱུད་གྲོང་གསེབ་ཀྱི་བུད་མེད་ཚོར་ཡོང་འབབ་གསོག་པའི་སྐུལ་འདེད་བཏང་བ་རེད། རྫོང་དེས་དྲ་ཐོག་ལས་སྟེགས་དང་། ཁེ་ལས་ཆེ་གྲས་ཁག ཡུལ་དེའི་མཉམ་ལས་ཁང་བཅས་དང་འབྲེལ་བ་བྱས་ཏེ་བྲིན་ཚོང་ཐབས་ལམ་འཚོལ་ཞིབ་དང་སྟབས་བསྟུན་གླ་ཆ་རྩིས་བརྒྱབ་ནས་དགུན་དལ་སྐབས་རྒྱ་ཆེའི་འཚེམ་དྲུབ་མས་ཁྱིམ་གྱི་སྒོ་རྩར་ཡོང་འབབ་གསོག་པ་མངོན་འགྱུར་ཐུབ་པ་བྱས་ཡོད།