༄༅།།བོད་ལྗོངས་སུ་ཕྱི་ནས་ཡོང་བའི་ལས་མི་ཚོ་རིན་པ་མི་ལེན་པར་ཕ་ཡུལ་དུ་ལོག་པའི་ལམ་དུ་ཆས་པ།

     མི་དམངས་དྲ་བའི་འཕྲིན། ཟླ་12ཚེས་20ཉིན། "བདེ་སྐྱིད་ངང་ཕ་ཡུལ་དུ་ལོག་པའི་ལམ་དུ། སྦྲག་སྲིད་ཁྱེད་དང་འགྲོགས་ནས་མཉམ་དུ་སྐྱོད"ཅེས་པའི་སྤྱི་ཕན་བྱེད་སྒོའི་ཕ་ཡུལ་དུ་ལོག་པའི་ཆེད་སྤྱོད་མེ་འཁོར་ཐེངས་ཐོག་མ་དེ་ལྷ་སའི་མེ་འཁོར་འབབ་ཚུགས་ནས་རྡོག་ཐོན་པ་རེད། ངོ་སྤྲོད་བྱས་པར་གཞིགས་ན། བོད་ལྗོངས་སྦྲག་སྲིད་ཀྱིས་མ་དངུལ་སྒོར་ཁྲི་60ལྷག་གྲབས་གཤོམ་བྱས་ནས་བོད་ལྗོངས་སུ་ཕྱི་ནས་ཡོང་བའི་ལས་མི་ཚོར་ཟླ་12ཚེས་20ཉིན་ནས་ཟླ་12ཚེས་25ཉིན་བར་གྱི་ལྷ་ས་ནས་ཁྲེན་ཏུའུ་བར་དང་། ལྷ་ས་ནས་ཁྲུང་ཆིང་བར་གྱི་མེ་འཁོར་གྱི་རྐུབ་སྟེགས་དཀྱུས་མའི་པ་སེ་1764རིན་པ་མི་ལེན་པར་མཁོ་སྤྲོད་བྱས་པ་རེད།