༄༅།།བོད་ལྗོངས་ཀྱི་པར་གཞི་གསར་པའི་བོད་ཀྱི་སྐད་ཡིག་དྲ་རྒྱ་ཤར་གཏོང་བྱས་པ།

     མི་དམངས་དྲ་བའི་འཕྲིན། ཉེ་སྔོན་རྒྱལ་ཁབ་སྐད་ཡིག་ལས་དོན་ཨུ་ལྷན་ཁོངས་གཏོགས་ཀྱིས་རྒྱབ་སྐྱོར་བྱས་པའི་མི་རིགས་སྐད་ཡིག་དྲ་ཚིགས་ཏེ་བོད་ལྗོངས་བོད་ཀྱི་སྐད་ཡིག་དྲ་རྒྱ་ལྷ་སར་པར་གཞི་བསྒྱུར་བཅོས་བྱས་ནས་དྲ་ཐོག་ཤར་གཏོང་བྱས་པ་རེད།
     བོད་ལྗོངས་བོད་ཀྱི་སྐད་ཡིག་དྲ་རྒྱ་ནི་བོད་རང་སྐྱོང་ལྗོངས་ཀྱི་ཆེས་ཐོག་མར"བོད་ཡིག་པར་གཞི"དང"རྒྱ་ཡིག་པར་གཞི"གཉིས་ཀ་ཡོད་པ་མ་ཟད་མཉམ་གཅིག་ཏུ་འབྲེལ་ཡོད་ནང་དོན་གསར་བཅོས་བྱས་པའི་དྲ་ཚིགས་ཀྱང་རེད། པར་གཞི་གསར་པའི་དྲ་རྒྱ་འཛུགས་སྐྲུན་བྱེད་པར་རྒྱལ་ཁབ་སྐད་ཡིག་ལས་དོན་ཨུ་ཡོན་ལྷན་ཁང་དང་སློབ་གསོ་པུའི་སྐད་ཡིག་ཆ་འཕྲིན་དོ་དམ་སི་ཡིས་མཐོང་ཆེན་ཐོབ་པ་མ་ཟད་སྣེ་ཁྲིད་དེ་སྒྲིག་འཛུགས་བྱས་ནས་ལག་བསྟར་བྱས་པ་དང་། ཧྲང་ཧའེ་གྲོང་ཁྱེར་སྐད་ཡིག་ལས་དོན་ཨུ་ལྷན་གྱིས་རོགས་སྐྱོར་བྱས་ནས་འཛུགས་སྐྲུན་བྱས་པ་དང་། ཧྲང་ཧའེ་སྒོ་འབྱེད་སློབ་ཆེན་གྱིས་ལས་གཉེར་དོ་དམ་བྱེད་འགན་ཁུར་བ་རེད།
     བོད་རང་སྐྱོང་ལྗོངས་བོད་ཀྱི་སྐད་ཡིག་ལས་དོན་ཨུ་ཡོན་ལྷན་ཁང་གི་གཞུང་ལས་ཁང་(རྩོམ་སྒྱུར་ཅུས་)གིས་ཚན་རིག་ཞིབ་འཇུག་ཁྲུའུ་ཡི་འགོ་འཛིན་ཀྲེན་ཝེ་ཀྲུང་གིས་ངོ་སྤྲོད་བྱས་ནས་བོད་ཀྱི་སྐད་ཡིག་དྲ་རྒྱ་ཡིས་ཅོག་ངོས་གློག་ཀླད་དང་སྤོ་རུང་མཐའ་སྣེའི་བཤར་ལྟ་དང་འཚོལ་བཤེར་མཉམ་གནས་ཀྱི་སྔོན་ཐོན་ལག་རྩལ་བཀོལ་ཡོད་ལ། ད་དུང་སྤོ་འགུལ་མཁོ་མཁན་གྱི་མཐུད་སྣེའི་དྲ་ཚིགས་དང་འཕྲིན་ཕྲན་གྱི་སྤྱི་དམངས་ཨང་གྲངས་བཀོལ་སྤྱོད་ཀྱི་མཐུད་སྣེ་སྔོན་འཇོག་ཀྱང་བྱས་ཡོད་པ་རེད། དྲ་ཚིགས་ལ་བོད་ཀྱི་རིག་གནས་ཀྱི་ཁྱད་ཆོས་མངོན་གསལ་ལྡན་ལ། དེང་རབས་དར་ཆེ་བའི་གཞི་རྒྱུ་ཡང་བསྡུ་ལེན་བྱས་ཡོད་ཅིང་། རྒྱ་ཡིག་གི་པར་གཞི་ནི་ཆ་འཕྲིན་སྤེལ་རྒྱུ་གཙོ་བོར་འཛིན་པ་དང་། བོད་ཡིག་པར་གཞི་ནི་རིག་གཞུང་སྤེལ་རེས་བྱ་རྒྱུ་གཙོ་བོརའཛིན་པས། མཁོ་མཁན་མི་འདྲ་བར་བབ་མཐུན་གྱི་ནང་དོན་འདོན་སྤྲོད་བྱས་ཡོད་པ་རེད།
     མིག་སྔའི་བར་དུ་དྲ་ཚིགས་ནས་རིགས་མི་འདྲ་བའི་ཆ་འཕྲིན་སྟོང་ལྷག་སྤེལ་ཡོད་པ་དང་། དྲ་རྒྱར་ཞུགས་མཁན་བསྡོམས་གྲངས་མི་ཐེངས་ཁྲི་400ལས་བརྒལ་ཞིང་། མཁོ་མཁན་བོད་རང་སྐྱོང་ལྗོངས་གཙོ་བོ་ཡིན་ཞིང་རྒྱལ་ཡོངས་སུ་ཁྱབ་པ་དང་། འཛམ་གླིང་ཐོག་རྒྱལ་ཁབ་གཞན་དག་ལའང་མཁོ་མཁན་ཧ་ཅང་མང་པོས་བེད་སྤྱོད་བྱེད་བཞིན་ཡོད་པ་རེད།