༄༅།།བོད་ལྗོངས་བོད་ལུགས་གསོ་རིག་སློབ་གླིང་གི་ཞོར་གཏོགས་ལྷོ་ཁ་སྨན་ཁང་གི་སྒོ་བྱང་བཀལ་བ།

       མི་དམངས་དྲ་བའི་འཕྲིན། ཉེ་སྔོན། བོད་ལྗོངས་ལྷོ་ཁར་བོད་ལྗོངས་བོད་ལུགས་གསོ་རིག་སློབ་གླིང་དང་ལྷོ་ཁ་གྲོང་ཁྱེར་སྨན་རྩིས་ཁང་དབར་མཉམ་ལས་གྲོས་མཐུན་ལ་མིང་རྟགས་བཀོད་དེ་ཕྱོགས་གཉིས་པོས་ཤེས་ལྡན་མི་སྣ་གསོ་སྐྱོང་དང་། སློབ་ཁྲིད་ཚན་ཞིབ། སྤྱི་ཚོགས་ཞབས་ཞུ། རིག་གནས་རྒྱུན་འཛིན་བཅས་ཁྱབ་ཁོངས་ཆེན་པོ་བཞིར་ཁྱོན་ཡོངས་ནས་མཉམ་ལས་བྱེད་པའི་འབྲེལ་བ་བཙུགས་ཏེ་ལྷོ་ཁ་གྲོང་ཁྱེར་སྨན་རྩིས་ཁང་དེ་བོད་ལྗོངས་བོད་ལུགས་གསོ་རིག་སློབ་གླིང་གི་ཞོར་གཏོགས་ལྷོ་ཁ་སྨན་ཁང་དུ་བསྒྱུར་བས། སྨན་ཁང་དེ་བོད་རང་སྐྱོང་ལྗོངས་ནང་ཁུལ་གྱི་བོད་ལུགས་གསོ་རིག་སློབ་གླིང་གི་ཐད་གཏོགས་མིན་པའི་ཞོར་གཏོགས་སྨན་ཁང་གཉིས་པར་གྱུར་པ་དང་དེ་ཐོག་ནས་བོད་ལྗོངས་བོད་ལུགས་གསོ་རིག་སློབ་གླིང་གིས“སློབ་གསོ+”ཀྱི་རྣམ་པར་བརྟེན་ནས་བོད་ལུགས་གསོ་རིག་བྱ་གཞག་འཕེལ་རྒྱས་གཏོང་བར་ཚད་བརྒལ་གསར་པ་བྱུང་བ་མཚོན་ཐུབ་ཡོད་པ་རེད།