༄༅།།བལ་ཡུལ་གྱི་མཆོད་རྟེན་བྱ་རུང་ཁ་ཤོར་ལ་རབ་གནས་སྨོན་ལམ་གྱི་མཛད་སྒོ་སྤེལ་བ།

     མི་དམངས་དྲ་བའི་འཕྲིན། ཟླ་11ཚེས་20ཉིན། བལ་ཡུལ་གྱི་མཆོད་རྟེན་བྱ་རུང་ཁ་ཤོར་ལ་རབ་གནས་སྨོན་ལམ་གྱི་མཛད་སྒོ་སྤེལ་ཞིང་། མཛད་སྒོ་ནང་བོད་བརྒྱུད་ནང་བསྟན་གྱི་གྲུབ་མཐའ་ཁག་དང་། རྒྱ་བརྒྱུད་ནང་བསྟན། བལ་ཡུལ་གྱི་ས་གནས་ཆོས་ལུགས་ཀྱི་མི་སྣ་སོགས་ཞུགས་ཡོད་པ་རེད།
     བལ་ཡུལ་གྱི་མཆོད་རྟེན་བྱ་རུང་ཁ་ཤོར་ནི་འཛམ་གླིང་ཐོག་བོད་བརྒྱུད་ནང་བསྟན་གྱི་ལྷུང་བཟེད་ཁ་སྦུབ་དབྱིབས་ཀྱི་མཆོད་རྟེན་དཀར་པོ་ཆེ་ཤོས་ཡིན་ལ། བཞེངས་ནས་ལོ་ངོ་1600ལྷག་ཙམ་འདས་ཡོད། 2015ལོའི་ས་ཡོམ་ཆེན་མོའི་ཁྲོད་དུ་མཆོད་རྟེན་གཞི་མའི་དབུ་རྩེར་གས་ཆག་ཤོར་བ་དང་། ཉེ་འགྲམ་གྱི་མཆོད་རྟེན་ཡང་བརྡིབས་པ་རེད། ལོ་གཅིག་རིང་ལ་ཞིག་གསོ་བྱས་རྗེས། མཆོན་རྟེན་དེ་ཧ་ལམ་བསྐྱར་གསོ་ལེགས་གྲུབ་བྱུང་ཡོད་པ་རེད།