༄༅།།མཚོ་སྔོན་ནང་ཆེན་གྱི་སྣོད་བཅུད་ཁོར་ཡུག་བཟང་བས་དགོ་བ་ས་མཐོའི“བདག་པོ”གྱུར།

     མི་དམངས་དྲ་བའི་འཕྲིན། ཉེ་བའི་ལོ་ཤས་རིང་། མཚོ་སྔོན་ནང་ཆེན་རྫོང་གིས་ནུས་ཤུགས་ཡོད་རྒུས་སྣོད་བཅུད་ཁོར་ཡུག་འཛུགས་སྐྱོང་དང་དགོ་བ་སྲུང་སྐྱོང་ལ་ཤུགས་སྣོན་བརྒྱབ་པས། ས་མཐོའི་སྟེང་དགོ་བ་དང་དེ་བཞིན་སྲོག་ཆགས་སྲུང་སྐྱོང་བྱེད་པའི་རྣམ་པ་བཟང་པོ་ཞིག་ཆགས་ཡོད། ད་ཆ་ས་མཐོའི་ས་ཕྱོགས་གང་སར་དགོ་བས་ཁེངས་ཏེ་ཐུན་མོང་མིན་པའི་མཛེས་ལྗོངས་ཤིག་ཆགས་ཤིང་། འདི་ནི་མཚོ་སྔོན་ནང་ཆེན་རྫོང་ས་མཐོར་འཚོ་སྡོད་བྱེད་པའི་དགོ་བ་རང་བྱུང་ཁམས་ཆེན་པོའི་པང་དུ་ཅི་དགར་རོལ་བའི་གནས་ཚུལ་ཡིན་པ།