༄༅།།བོད་ལྗོངས་ཀྱི་རང་བྱུང་ཚན་རིག་རྟེན་རྫས་བཤམས་མཛོད་ཁང་ཐོག་མ་རིན་པ་མི་དགོས་པར་
ཕྱི་ཕྱོགས་ལ་སྒོ་འབྱེད་པ།

      མི་དམངས་དྲ་བའི་འཕྲིན། ལྷ་སར་གནས་པའི་བོད་ལྗོངས་རང་བྱུང་ཚན་རྩལ་རིགས་ཀྱི་རྟེན་རྫས་བཤམས་མཛོད་ཁང་ཐོག་མ་སྟེ་བོད་ལྗོངས་རང་བྱུང་ཚན་རིག་རྟེན་རྫས་བཤམས་མཛོད་ཁང་ཟླ་10ཚེས་1ཉིན་ཚོད་ལྟའི་གཉེར་སྐྱོང་བྱེད་མཇུག་བསྒྲིལ་ནས་རིན་པ་མི་དགོས་པར་མང་ཚོགས་ལ་དངོས་སུ་སྒོ་འབྱེད་པ་རེད།
     བོད་ལྗོངས་རང་བྱུང་ཚན་རིག་རྟེན་རྫས་བཤམས་མཛོད་ཁང་ལས་གཞི་འདིར་མ་དངུལ་སྒོར་དུང་ཕྱུར་4ལྷག་བཞག་པ་དང་། འཛུག་སྐྲུན་གྱི་རྒྱ་ཁྱོན་སྨི་གྲུ་བཞི་མ་ཁྲི་3ལྷག་ཟིན་ཞིང་། རྒྱུན་གནས་འགྲེམས་སྟོན་ཁང་དུ་རང་བྱུང་རྟེན་རྫས་བཤམས་མཛོད་ཁང་དང་ཚན་རྩལ་རྟེན་རྫས་བཤམས་མཛོད་ཁང་གཉིས་མཆིས་པ་སྟེ། རང་བྱུང་རྟེན་རྫས་བཤམས་མཛོད་ཁང་དུ་གཙོ་བོར་བོད་ལྗོངས་ཀྱི་ཐུན་མིན་ཁྱད་ཆོས་ལྡན་པའི་རང་བྱུང་ཡུལ་ལྗོངས་དང་ཕུན་སུམ་ཚོགས་པའི་སྐྱེ་དངོས་ཀྱི་དངོས་རིགས་སོགས་འགྲེམས་སྟོན་བྱེད་ཀྱི་ཡོད་པ་དང་། ཚན་རྩལ་རྟེན་རྫས་བཤམས་མཛོད་ཁང་དུ་གཙོ་བོར་གནའ་བོའི་བོད་ལྗོངས་ཀྱི་ཚན་རྩལ་བློ་གྲོས་དང་། ཚན་རྩལ་གྲུབ་འབྲས་གསར་ཤོས། རྨང་གཞིའི་ཚན་རིག་ཤེས་བྱ་སོགས་འགྲེམས་སྟོན་བྱེད་ཡོད་པ་རེད།