༄༅།།ཤིན་ཅང་གི་སའེ་ལི་མུའུ་མཚོ་ངོས་སུ་ངོ་མཚར་ཆེ་བའི་དར་གྱི་མེ་ཏོག་ཆགས་པ།

     མི་དམངས་དྲ་བའི་འཕྲིན། ཟླ་2ཚེས་20ཉིན། ཤིན་ཅང་པོ་ཨེར་ཐ་ལ་སོག་རིགས་རང་སྐྱོང་ཁུལ་གྱི་ཁོངས་སུ་ཡོད་པའི་སའེ་ལི་མུའུ་མཚོ་ཡི་མཚོ་ངོས་སུ་ངོ་མཚར་ཆེ་བའི་དར་གྱི་མེ་ཏོག་ཆགས་ཡོད་པ་རེད། ཟླ་2པར་སླེབས་པས་ན། ཤིན་ཅང་གི་ས་བབ་མཐོ་ཤས་ཀྱི་མཚེའུ་སའེ་ལི་མུའུ་མཚོ་ཡི་མཚོ་ངོས་ཡོངས་སུ་དར་ཆགས་ཡོད་པ་དང་། མཚོ་འགྲམ་གྱི་ཆུ་མིག་ཆུང་ཆུང་ཡོད་སའི་ཆུ་འོག་ནས་ཐོན་པའི་ཆུ་བུར་རྣམས་མཁའ་རླུང་གྲང་མོའི་ཤུགས་རྐྱེན་ཐེབས་འོག་འཕྲལ་དུ་དར་ཆགས་ནས་ཆུའི་ཀ་བ་དང་དུང་འཁྱིལ་རི་མོ་ལ་སོགས་པའི་མེ་ཏོག་གི་རྣམ་པ་སྣ་ཚོགས་གྲུབ་ཡོད་པ་རེད།