༄༅།།“10.24”ཡི་མི་བསད་གྱོད་དོན་རྩད་ཆོད་བྱུང་ཞིང་ཁུངས་སྣེ་ཡར་ཞུ་མཁན་གྱིས་
ངོ་འབག་གོན་ནས་བྱ་དགའ་བླངས་པ།

     མི་དམངས་དྲ་བའི་འཕྲིན། སྤྱི་ཟླ་1ཚེས་27ཉིན་ཀོང་ཏུང་ཞིང་ཆེན་སྤྱི་བདེ་ཐིང་གིས་གསར་འགྱུར་ཡོངས་བསྒྲགས་ཚོགས་འདུ་བསྡུས་ཏེ་ཀོང་ཏུང་ཉེན་རྟོག་ཕྱོགས་ཀྱིས་ཉིན་94ཡི་རིང་ལ་མྱུལ་ཞིབ་བྱས་པ་བརྒྱུད། ཟླ་1ཚེས་26ཉིན་ཅང་ཞི་ཞིང་ཆེན་རུའེ་ཅིན་གྲོང་ཁྱེར་ནས་སྤྱི་བདེ་པུའུ་ཡི་རིམ་པ་Aཅན་གྱི་འཛིན་རྒྱ་བཏབ་པའི་ཉེས་ཅན་ལིའུ་ཅི་ཕིང་འཛིན་བཟུང་ཐུབ་ནས་ཧོ་ཡོན་གྲོང་ཁྱེར་གྱི“10.24”ཡི་བསམ་བཞིན་དུ་མི་བསད་པའི་གྱོད་དོན་དེ་བདེ་བླག་ངང་མྱུལ་ཞིབ་རྩད་ཆོད་བྱུང་བ་བརྡ་ཁྱབ་བཏང་བ་རེད། ཚོགས་འདུའི་ཐོག ཁུངས་སྣེ་ཡར་ཞུ་བྱས་ཏེ་ཉེན་རྟོག་པར་གྱོད་དོན་རྩད་གཅོད་ལ་རོགས་རམ་བྱེད་མཁན་ལ་བྱ་དགའ་གནང་བ་དང་། གྲོང་མི་དེས་ངོ་འབག་གོན་ནས་བྱ་དགའི་དངུལ་བླངས་པ་རེད།