༄༅།།བློ་བཟང་རྒྱལ་མཚན་ནག་ཆུའི་འཐུས་མི་ཚོགས་པའི་གྲོས་ཞིབ་ནང་ཞུགས་པ།

     མི་དམངས་དྲ་བའི་འཕྲིན། ཟླ་1ཚེས་27ཉིན་གྱི་ཕྱི་དྲོ། རང་སྐྱོང་ལྗོངས་མི་དམངས་འཐུས་ཚོགས་སྐབས་བཅུ་པའི་འཐུས་མི་དང་། ལྗོངས་ཏང་ཨུད་ཀྱི་ཧྲུའུ་ཅི་གཞོན་པ། རང་སྐྱོང་ལྗོངས་ཀྱི་ཀྲུའུ་ཞི་བཅས་ཡིན་པའི་བློ་བཟང་རྒྱལ་མཚན་ཁོང་ཡོད་སའི་ནག་ཆུའི་འཐུས་མི་ཚོགས་པའི་ཁྲོད་དུ་ཕེབས་ནས། འཐུས་མི་ཚོའི་བསམ་འཆར་དང་གྲོས་འགོ་གསན་པ་མ་ཟད། ཚང་མ་དང་མཉམ་དུ་སྲིད་གཞུང་གི་ལས་དོན་སྙན་སྒྲོན་ལ་གྲོས་ཞིབ་ཀྱང་གནང་བ་རེད།
     ནག་ཆུའི་འཐུས་མི་ཚོགས་པའི་གྲོས་ཞིབ་ཀྱི་རྣམ་པ་ཧ་ཅང་འཁྲུག་པོ་ཡོད་ཅིང་། འཐུས་མི་ཚོས་འདས་ཟིན་པའི་ལོ་ལྔའི་རིང་གི་སྲིད་གཞུང་གི་ལས་དོན་ལ་ཁས་ལེན་གང་ལེགས་གནང་བ་དང་། སྲིད་གཞུང་གི་ལས་དོན་སྙན་སྒྲོན་ལ་ཚད་མཐོའི་གདེང་འཇོག་གནང་བ་རེད། འཐུས་མི་བཀྲ་ཤིས་ཕུན་ཚོགས་དང་། ལི་ཧུང་ཝུའེ། ཀའོ་དབྱང་། རྒྱ་མཚོ་ལྷ་མོ་སོགས་ཀྱིས་སྔ་རྗེས་སུ་གཏམ་བཤད་གནང་ཞིང་། ཚང་མས་འབྲོག་པའི་འབབ་འཕར་དང་། གནད་སྨིན་དབུལ་སྐྱོར། འགྲིམ་འགྲུལ་ནུས་རྒྱུའི་རྨང་གཞིའི་སྒྲིག་བཀོད་འཛུགས་སྐྲུན། རྩྭ་ཐང་གི་སྣོད་བཅུད་སྲུང་སྐྱོང་། ཡུལ་སྐོར་གསར་སྤེལ། གཞི་རིམ་གྱི་སྤྱི་པའི་ཞབས་ཞུ་སོགས་ཀྱི་གནད་དོན་སྐོར་ལ་གང་བསམ་ལྷུག་གླེང་གནང་བ་དང་ཐབས་དང་ཇུས་ཧུར་ཐག་བཏོན་གནང་བ་རེད།
     གཏམ་བཤད་གནང་སྐབས་བློ་བཟང་རྒྱལ་མཚན་གྱིས་ནག་ཆུ་ས་ཁུལ་གྱི་འཕེལ་རྒྱས་དང་བརྟན་ལྷིང་གི་བྱ་གཞག་ཁག་ལ་ཐོབ་པའི་གྲུབ་འབྲས་ལ་ཁས་ལེན་གང་ལེགས་གནང་ཞིང་། ཁོང་གིས“ལོ་ལྔ་ཚན་བཅུ་གསུམ་པའི”རིང་ནི་རང་ལྗོངས་འདི་ཉིད་རྒྱལ་ཡོངས་དང་མཉམ་དུ་འབྱོར་འབྲིང་སྤྱི་ཚོགས་ཕྱོགས་ཡོངས་ནས་སྐྲུན་ཐུབ་པ་བྱེད་པའི་རྒྱལ་ཁ་ཕུ་ཐག་གཅོད་པའི་དུས་མཚམས་ཤིག་དང་རང་ལྗོངས་ཀྱིས་འཕེལ་རྒྱས་མགྱོགས་པོ་གཏོང་བའི་འཐབ་ཇུས་གལ་ཆེན་གྱི་གོ་སྐབས་ཤིག་ཡིན་སྟབས། ནག་ཆུ་ས་ཁུལ་གྱི་འཕེལ་རྒྱས་ལ་མདུན་ལམ་ཧ་ཅང་ཆེན་པོ་དེ་བས་ལྡན་ཡོད། ས་ཁུལ་གྱི་གོང་འོག་ཚང་མས་འབྲོག་ཁུལ་གྱི་འཕེལ་རྒྱས་ཀྱི་དོན་དངོས་དང་ཟུང་འབྲེལ་དམ་ཟབ་བྱེད་པ་དང་། གསར་གཏོད་དང་། མཐུན་སྦྱོར། ལྗང་མདོག སྒོ་དབྱེ། མཉམ་སྤྱོད་བཅས་འཕེལ་རྒྱས་ཀྱི་འདུ་ཤེས་ཆེན་པོ་ལྔ་བརྟན་པོ་འཛུགས་པ་དང་ལག་བསྟར་དོན་འཁྱོལ་བྱེད་པ། ཞི་མཐུན་འཕེལ་རྒྱས་མཐའ་འཁྱོངས་བྱེད་པ། སྤྱི་ཚོགས་བརྟན་ལྷིང་ལ་སྲུང་སྐྱོང་མཐའ་གཅིག་ཏུ་བྱེད་པ། བརྟན་ལྷིང་སྲུང་སྐྱོང་གི་བྱེད་ཐབས་ཁག་བཅུ་དོན་འཁྱོལ་གཏིང་ཟབ་བྱེད་པ། “663”གྱི་ལས་ཀའི་བསམ་ཕྱོགས་ལག་བསྟར་གཏིང་ཟབ་བྱེད་པ། གསར་འབྱེད་ཡར་བརྩོན་དང་སྙིང་སྟོབས་ཆེར་སྐྱེད་ཡོང་བ་བྱེད་པ་བཅས་ཀྱི་ཐོག་ནས་ནག་ཆུའི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་སྐུལ་འདེད་ཤུགས་ཆེན་བཏང་སྟེ་སྤྱི་ཚོགས་ཀྱི་དུས་བབ་རྒྱུན་མཐུད་དང་། ཡུན་རིང་། ཕྱོགས་ཡོངས་བཅས་ཀྱི་སྒོ་ནས་བརྟན་ལྷིང་ཡོང་བའི་འགན་ལེན་བྱེད་དགོས། བརྟག་དཔྱད་ཞིབ་འཇུག་བྱ་ཤུགས་ཆེ་རུ་བཏང་ནས་འབྱོར་འབྲིང་སྤྱི་ཚོགས་ཀྱི་འཕེལ་རིམ་ལ་ཕྱོགས་ཡོངས་ནས་སྐུལ་འདེད་གཏོང་བའི་བརྒྱུད་རིམ་ནང་གི་འབྲོག་ཁུལ་ལ་འཕྲད་པའི་དངོས་ཡོད་གནད་དོན་གལ་ཆེན་ནུས་ཤུགས་ཡོད་རྒུས་ཐག་གཅོད་བྱེད་དགོས། འབྲོག་ཁུལ་དང་། འབྲོག་ལས། འབྲོག་པ་བཅས་ཀྱི་ལས་ཀའི་དོན་དངོས་ལ་གཞི་བཙུགས་ནས་སྔར་བས་སྒྱུར་བཅོས་གསར་གཏོད་ཡོང་བ་བྱས་ཏེ་འབྲོག་ཁུལ་སྒྱུར་བཅོས་གཏིང་ཟབ་ཏུ་གཏོང་བ་དང་སྲོལ་རྒྱུན་འབྲོག་ལས་ལ་སྐུལ་འདེད་གཏོང་བ་ནས་དེང་རབས་འབྲོག་ལས་ཕྱོགས་སུ་བསྒྱུར་བའི་ཐད་ཤུགས་རྒྱག་པ་དང་། རྨང་གཞིའི་སྒྲིག་བཀོད་འཛུགས་སྐྱོང་བྱེད་མགྱོགས་སུ་གཏོང་བ་དང་རྣམ་གྲངས་ཀྱི་མྱུར་ཚད་དང་ཕན་འབྲས་ཆེ་རུ་གཏོང་བའི་ཐད་ཤུགས་རྒྱག་པ། གཞི་རིམ་གྱི་དམངས་འཚོ་ལེགས་སུ་གཏོང་བ་དང་གཞི་རྩའི་སྤྱི་པའི་ཞབས་ཞུ་དོ་སྙོམས་ཅན་ལ་སྐུལ་འདེད་གཏོང་བའི་ཐད་ཤུགས་སྣོན་རྒྱག་པ། སྣོད་བཅུད་ཁོར་ཡུག་སྲུང་སྐྱོང་དང་སྣོད་བཅུད་ཤེས་དཔལ་འཛུགས་སྐྱོང་བྱེད་པའི་ཐད་ཤུགས་སྣོན་རྒྱག་པ། གནད་སྨིན་དབུལ་སྐྱོར་ལ་སྐུལ་འདེད་གཏོང་བ་དང་དབུལ་སྒྲོལ་འགག་སྒྲོལ་དམག་འཐབ་ལ་རྒྱལ་ཁ་ཐོབ་རྒྱུར་འགན་ལེན་བྱེད་པའི་ཐད་ཤུགས་སྣོན་རྒྱག་པ་བཅས་བྱས་ཏེ་དངོས་དངོས་རྗེན་རྗེན་གྱི་ལས་ཀའི་གྲུབ་འབྲས་ཐོག་ནས་མི་རིགས་མཐུན་སྒྲིལ་ལ་ཤུགས་སྣོན་རྒྱག་པ་དང་མཛེས་སྡུག་ལྡན་པའི་ནག་ཆུ་བསྐྲུན་ཏེ་བོད་བྱང་ཐང་གི་མི་རིགས་ཁག་གི་མང་ཚོགས་ལ་ཕན་བདེ་སྐྲུན་དགོས་ཞེས་ནན་བཤད་གནང་བ་རེད།