༄༅།།ཉེན་རྟོག་པས་མི་ཚོང་རྒྱག་མཁན་78འཛིན་བཟུང་བྱས་ཏེ་ཕྲུ་གུ་15ཉེན་ཁ་ལས་སྐྱོབ་པ།

     མི་དམངས་དྲ་བའི་འཕྲིན། སྤྱི་ཟླ་1ཚེས་18ཉིན་གྱི་སྔ་དྲོར། སི་ཁྲོན་ཞིང་ཆེན་ལིའང་ཧྲན་དབྱིས་རིགས་རང་སྐྱོང་ཁུལ་གྱི་ཞི་ཁྲང་མེ་འཁོར་འབབ་ཚིགས་སུ་སྤྱི་བདེ་དམིགས་བསལ་ཉེན་རྟོག་པས་ལྟ་སྐྱེལ་འོག་དོགས་ཅན་མི་སྣ་36ལིའང་ཧྲན་ཁུལ་སྤྱི་བདེ་ཅུས་སུ་འཁྲིད་པ་རེད། ཉིན་དེར་གསར་འགོད་པས་ལིའང་ཧྲན་ཁུལ་སྤྱི་བདེ་ཅུས་རྒྱུས་ལོན་བྱུང་བ་ལྟར་ན། སྤྱི་བདེ་པུའུ་ཡི་ལྟ་སྐུལ་སྤྱི་འདོམས་བྱེད་པའི"6.18"ཕྲུ་གུ་བར་ཚོང་གི་གྱོད་གཞི་དེ་བདེ་བླག་ངང་མཇུག་སྒྲིལ་བ་རེད། ལིའང་ཧྲན་ཕྱོགས་ཀྱི་ཉེན་རྟོག་པ་ཧྲན་ཏོང་ཞིང་ཆེན་དུ་ཕྱིན་ནས་ཞིང་ཆེན་ལས་བརྒལ་བའི་འཛིན་བཟུང་བྱ་འགུལ་སྤེལ་ནས་ཕྲུ་གུ་བར་ཚོང་བྱེད་པའི་ཚོགས་པ་ཆེན་པོ་ཞིག་གཏོར་བ་དང་། ཕྲུ་གུ་15ཉེན་ཁ་ལས་སྐྱོབ་ཤིང་། ཕྲུ་གུ་བར་ཚོང་རྒྱག་མཁན་78འཛིན་བཟུང་བྱས་པ་རེད། 【1】  【2】  【3】  【4】  【5】  【6】