༄༅།།བོད་རང་སྐྱོང་ལྗོངས་ཀྱི་2015ལོའི་མཐོ་སློབ་མཐར་ཕྱིན་སློབ་མ་གདན་ཞུའི་ཚོགས་འདུ་
ཞན་དབྱང་གྲོང་ཁྱེར་དུ་འཚོགས་པ།

     མི་དམངས་དྲ་བའི་འཕྲིན། ཟླ་5ཚེས་24ཉིན་བོད་རང་སྐྱོང་ལྗོངས་ཀྱི་2015ལོའི་མཐོ་སློབ་མཐར་ཕྱིན་སློབ་མ་(རང་སྐྱོང་ལྗོངས་ཕྱི་རོལ་ནས)ཆེད་གཉེར་གདན་ཞུའི་ཚོགས་འདུ་དང་སྲིད་ཇུས་སྒྲོག་སྦྱང་ཚོགས་འདུ་ཞན་དབྱང་གྲོང་ཁྱེར་དུ་ཡོད་པའི་བོད་ལྗོངས་མི་རིགས་སློབ་ཆེན་དུ་འཚོགས། གདན་ཞུའི་ཚོགས་འདུ་འདི་ནི་བོད་རང་སྐྱོང་ལྗོངས་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིང་གིས་གཙོ་གཉེར་བྱས་ཤིང་། རང་སྐྱོང་ལྗོངས་ཕྱི་ནང་གི་མི་དགོས་མཁན་ལས་ཁུངས་169ཡིས་གདན་ཞུའི་ལས་གནས་2721མཁོ་འདོན་བྱས་ཡོད་པ་དང་། ཆེད་ལས་50ལྷག་དང་འབྲེལ་བ་ཡོད། དེའི་ཁྲོད་གདན་ཞུའི་ཚོགས་འདུ་དངོས་སུ་གདན་ཞུ་བྱེད་པའི་ལས་ཁུངས་38ཡོད་པ་དང་། ཁེ་ལས་གཞན་དག་གིས་ཁ་པར་ཐོག་ནས་འདྲི་རྩད་དང་དྲ་རྒྱའི་ཐོག་ནས་གདན་ཞུ་སོགས་ཀྱི་བྱེད་ཐབས་ཐོག་ནས་གདན་ཞུ་བྱེད་རྒྱུ་ཡིན་ཞིང་། མཐར་ཕྱིན་སློབ་མ་2000ལྷག་ཙམ་ཐེངས་འདིའི་གདན་ཞུའི་ཚོགས་འདུ་རུ་ཞུགས་པ་རེད།