༄༅།།མཚོ་སྔོན་ཞིང་ཆེན་གྱི"ཁམས་ར་རྟགས་མའི"མྱུར་བགྲོད་རི་འཛེགས་འགྲན་བསྡུར་སྐབས་དང་པོ།

     མི་དམངས་དྲ་བའི་འཕྲིན། ཟླ་5ཚེས་19ཉིན་གྱི་སྔ་དྲོར"ཀྲུང་གོའི་ཡུལ་སྐོར་ཉིན་མོ"ཐེངས་ལྔ་པར་བསུ་བ་བྱ་ཆེད། མཚོ་སྔོན་ཞིང་ཆེན་ལུས་རྩལ་ཅུས་དང་། གཙན་ཚ་རྫོང་མི་དམངས་སྲིད་གཞུང་། རྨ་ལྷོ་ཁུལ་ཁམས་རའི་ཡུལ་ལྗོངས་ཁུལ་སྲུང་སྐྱོང་དོ་དམ་ཅུས། རྨ་ལྷོ་ཁུལ་རིག་གནས་ལུས་རྩལ་ཅུས། རྨ་ལྷོ་ཁུལ་ཡུལ་སྐོར་ཅུས་བཅས་ཀྱིས་གཙོ་གཉེར་དང་། མཚོ་སྔོན་ཞིང་ཆེན་རི་འཛེགས་ལུས་རྩལ་དོ་དམ་ལྟེ་གནས། གཙན་ཚ་རྫོང་རིག་གནས་ལུས་རྩལ་ཀུན་ཁྱབ་གློག་འཕྲིན་ཡུལ་སྐོར་ཅུས། རེབ་གོང་རིག་གནས་དང་སྲུང་སྐྱོང་ཚད་ཡོད་ཀུང་སི་བཅས་ཀྱིས་རོགས་གཉེར་གནང་བའི་མཚོ་སྔོན་ཞིང་ཆེན་གྱི"ཁམས་ར་རྟགས་མའི"མྱུར་བགྲོད་རི་འཛེགས་འགྲན་བསྡུར་སྐབས་དང་པོ་ཁམས་ར་རྒྱལ་ཁབ་ཡུལ་ལྗོངས་ཁུལ་དུ་སྤེལ། ཐེངས་འདིའི་འགྲན་བསྡུར་གྱི་ལམ་ཐག་རིང་ཚད་ལ་སྤྱི་ལེ་20ཡོད་ཅིང་། ཞིང་ཆེན་ཕྱི་ནང་གི་རི་འཛེགས་ལ་དགའ་མཁན་མི་700ལྷག་ཙམ་ཞུགས་ཡོད།