༄༅།།༼ བོད་ཀྱི་མཁའ་ཁྱབ་ ༽ཅེས་པའི་གློག་བརྙན་གྱི་པར་ཕུད་སྟོན་པའི་མཛད་སྒོ་འཚོགས་པ།

      ལོ་5རིང་གྲ་སྒྲིག་ཞིབ་ཚགས་བྱས་པ་དང་། མའོ་ཏུན་རྩོམ་རིག་བྱ་དགའ་ཐོབ་མཁན་ཨ་ལའེ་(阿来)ཡིས་འཁྲབ་གཞུང་བརྩམས་པ་དང་། གཞོན་ནུ་འཁྲབ་ཁྲིད་པ་ཕུའུ་ཏུང་ཡུས་（溥东育）ཀྱིས་འཁྲབ་ཁྲིད་བྱས་པའི་གློག་བརྙན་༼ བོད་ཀྱི་མཁའ་ཁྱབ་ ༽(西藏天空)ཅེས་པ་དེའི་པར་ཕུད་སྟོན་པའི་མཛད་སྒོ་ཚེས་29ཉིན་ལྷ་སར་འཚོགས་པ་རེད།
     ༼ བོད་ཀྱི་མཁའ་ཁྱབ་ ༽ཅེས་པའི་གློག་བརྙན་དེས་བོད་ཞི་བས་བཅིངས་འགྲོལ་དང་། དམངས་གཙོའི་བཅོས་སྒྱུར། སྒྱུར་བཅོས་སྒོ་དབྱེ་བཅས་དུས་མཚམས་གལ་ཆེན་གསུམ་ནང་། སྲས་སྐུ་ཞབས་བསྟན་འཛིན་དང་ཞིང་བྲན་ཕུར་བུའི་དབར་གྱི་དགའ་སྐྱོ་ཆགས་སྡང་དང་། མི་སྒེར་གྱི་ལས་དབང་། བསམ་བློའི་འགྱུར་ལྡོག་བཅས་བརྗོད་ཡོད། འཁྲབ་སྟོན་པ་མང་ཆེ་ཤོས་བོད་རིགས་ཡིན་པ་དང་སྐད་རིགས་ཀྱང་རྦད་དེ་བོད་སྐད་ཡིན། རྒྱལ་ནང་དུ་ཡོངས་བསྒྲགས་ངང་སྟོན་སྐབས་རྒྱ་ཡིག་བྲིས་ཡོད།