༄༅།།བོད་ལྗོངས་སུ་སྲོག་ཆགས་རིམས་ནད་འགོག་བཅོས་འཆར་འགོད་འགྲེམས་བསྒྲགས་ལག་ལེན་བྱས་པ།

     མི་དམངས་དྲ་བའི་འཕྲིན། བོད་རང་སྐྱོང་ལྗོངས་སྲིད་གཞུང་གཞུང་དོན་ཐིང་གི་ཆེད་དོན་ཚོགས་འདུའི་ཐོག་གྲོས་བསྡུར་བྱས་ནས་གྲོས་འཆམ་བྱུང་བ་བརྒྱུད་བོད་ལྗོངས་སུ་སྲོག་ཆགས་ཀྱི་རིམས་ནད་འགོག་བཅོས་འཆར་འགོད་(༢༠༡༤ལོ་ནས་༢༠༢༠ལོ་བར་)དངོས་སུ་འགྲེམས་བསྒྲགས་ལག་བསྟར་བྱས་ཡོད་པ་དང་དེ་ནི་བོད་ཞི་བས་བཅིངས་འགྲོལ་བཏང་ཚུན་བོད་ལྗོངས་ཀྱིས་འགྲེམས་བསྒྲགས་ལག་བསྟར་བྱས་པའི་སྲོག་ཆགས་ཀྱི་རིམས་ནད་སྔོན་འགོག་འཆར་གཞི་དང་པོ་དེ་ཡིན་པ་རེད།
     ཤེས་རྟོགས་བྱུང་བར་གཞིགས་ན། འཆར་འགོད་དེ་ནི་<<ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྲོག་ཆགས་རིམས་ནད་འགོག་བཅོས་བཅའ་ཁྲིམས་>>དང་<<རྒྱལ་ཁབ་ཀྱི་དུས་འབྲིང་རིང་གི་སྲོག་ཆགས་རིམས་ནད་འགོག་བཅོས་འཆར་གཞི་(༢༠༡༤ལོ་ནས་༢༠༢༠ལོ་བར་)>>ལྟར་བོད་ཀྱི་དོན་དངོས་དང་ཟུང་འབྲེལ་དང་། དུས་འགོའི་བརྟག་ཞིབ་དང་། རིགས་གཅིག་མཁས་ཅན་གྱིས་རིགས་པས་ཁུངས་སྐྱེལ། འབྲེལ་ཡོད་སྡེ་ཚན་དང་ཚན་པའི་བསམ་འཆར་བསྡུ་ལེན། བཟོ་བཅོས་དང་འཐུས་ཚང་བཅས་བྱས་པ་དང་དུས་ཡུན་ལོ་གཉིས་ལྷག་ཙམ་ནང་རྩོམ་བཟོ་ལེགས་གྲུབ་ཟིན་ཡོད་པ་རེད།