༄༅།།སི་ཁྲོན་འཛམ་ཐང་རྫོང་གི་ཇོ་ནང་ཐང་ག་སྒྱུ་རྩལ་གསོ་སྦྱོང་ཁང་།

     མི་དམངས་དྲ་བའི་འཕྲིན། ཇོ་ནང་ཐང་ག་སྒྱུ་རྩལ་གསོ་སྦྱོང་ཁང་ནི་སྤྱི་ལོ་༢༠༡༡ལོར་སི་ཁྲོན་ཞིང་ཆེན་རྔ་བ་ཁུལ་འཛམ་ཐང་རྫོང་གི་གཙང་བ་དགོན་གྱིས་གསར་དུ་བཙུགས་པ་དང་། གསོ་སྦྱོང་ཁང་དེས་ཇོ་ནང་ཐང་གའི་བཞེངས་ལུགས་འཁྲིད་བཞིན་ཡོད་པ་རེད། འཛམ་ཐང་ཇོ་ནང་རིག་གནས་ནི་བོད་བརྒྱུད་ནང་བསྟན་རིག་གནས་ཀྱི་གྲུབ་ཆ་གལ་ཆེན་ཞིག་ཡིན་ཞིང་། ཇོ་ནང་ཐང་ཁའི་བཞེངས་ལུགས་དེ་བོད་ཀྱི་ཐང་ག་བཞེངས་ལུགས་ཀྱི་ཁྲོད་དུ་དམིགས་བསལ་ཁྱད་ཆོས་ལྡན་པ་མ་ཟད།  རིག་གནས་ཀྱི་མཚོན་དོན་ཡང་ཟབ་མོ་ལྡན་པ་རེད། མིག་སྔར་འཛམ་ཐང་ཇོ་ནང་ཐང་ག་སྒྱུ་རྩལ་གསོ་སྦྱོང་ཁང་དུ་མདོ་དབུས་ཁམས་གསུམ་ནས་ཡོང་བའི་ན་གཞོན་༡༣༠ལྷག་ཙམ་གྱིས་ཇོ་ནང་ཐང་གའི་བཞེངས་ལུགས་ལ་སློབ་སྦྱོང་བྱེད་ཀྱིན་ཡོད་པ་རེད། 【1】  【2】  【3】  【4】  【5】  【6】