༄༅།།འོད་སྟོང་འཕྲོ་བའི་གནའ་བོའི་མི་རིགས་ལག་ཤེས་བཟོ་རྩལ།

     མི་དམངས་དྲ་བའི་འཕྲིན། ཉེ་ཆར་བོད་ལྗོངས་ལྷུན་རྩེ་རྫོང་གི་མི་རིགས་ལག་ཤེས་ཀྱི་སྒྱུ་རྩལ་འགྲེམས་སྟོན་དེ་བོད་རང་སྐྱོང་ལྗོངས་མང་ཚོགས་སྒྱུ་རྩལ་ཁང་དུ་གཉེར་བ་དང་། ཁྱོན་འགྲེམས་སྟོན་བྱེད་དངོས་༡༥༠ལྷག་ཙམ་རིགས་༡༧དུ་དབྱེ་ནས་འགྲེམས་སྟོན་བྱས་ཡོད་ཅིང་། དེ་དག་ནི་མི་རིགས་ཀྱི་ཁྱད་ཆོས་ལྡན་པ་ཤ་སྟག་རེད། ལྷུན་རྩེ་རྫོང་ནི་བོད་ལྗོངས་ལྷོ་ཁ་ས་ཁུལ་གྱི་མཐའ་མཚམས་རྫོང་ཞིག་ཡིན་པ་དང་ཁུལ་དེ་རུ་བོད་རིགས་དང་། རྒྱ་རིགས། ལྷོ་པའི་རིགས་བཅས་མི་རིགས་མི་འདྲ་བ་བཅུ་ལྷག་ཙམ་གནས་སྡོད་བྱེད་ཀྱི་ཡོད་ཅིང་། ཐག་རིང་ལུང་ཁུག་གི་ས་བབ་གནས་ཚུལ་དང་མི་རིགས་མང་པོ་གནས་པའི་རྐྱེན་གྱིས་མི་རིགས་ཀྱི་ལག་ཤེས་སྒྱུ་རྩལ་ཐད་ཐུན་མོང་མ་ཡིན་པའི་ཁྱད་ཆོས་ལྡན་ཡོད་པ་རེད།