༄༅།།པེ་ཅིང་ཨོ་རྩལ་འགྲན་ཚོགས་འཚོགས་ནས་ལོ་ངོ་བཅུའི་རིང་།

      མི་དམངས་དྲ་བའི་འཕྲིན། 2008ལོའི་ཟླ་8ཚེས་8ཉིན། པེ་ཅིང་ཨོ་རྩལ་འགྲན་ཚོགས་ཀྱི་འགོ་ཚུགས་མཛད་སྒོ་གཟབ་རྒྱས་པ་དེ་མིག་ལམ་དུ་ད་དུང་གསལ་ཡང་།  2022ལོའི་པེ་ཅིང་དགུན་དུས་ཨོ་རྩལ་འགྲན་ཚོགས་ནི་ལོ་བཅུའི་སྔོན་གྱི་མཚན་མོ་དེར་པེ་ཅིང་གྲོང་ཁྱེར་དུ་རྐང་རྗེས་བཞག་པ་དང་འགྲོགས་ནས། གོམ་པ་རེ་རེ་བཞིན་བརྟན་པོར་འོང་བཞིན་ཡོད།
     པེ་ཅིང་ཨོ་རྩལ་འགྲན་ཚོགས་འཚོགས་པའི་ལོ་བཅུའི་རིང་། ཀྲུང་གོ་ནི་ཨོ་རྩལ་འགྲན་ཚོགས་སྤེལ་མཁན་གསར་པ་ཞིག་ནས་ཨོ་རྩལ་འགྲན་ཚོགས་སྐུལ་འདེད་དང་སྣེ་ཁྲིད་བྱེད་པའི་ལག་ལེན་པ་ཞིག་ཏུ་གྱུར།
      པེ་ཅིང་ཨོ་རྩལ་འགྲན་ཚོགས་འཚོགས་པའི་ལོ་ངོ་བཅུའི་རིང་། ཀྲུང་གོའི་ལུས་རྩལ་གྱི་ནང་དོན་དང་ཁྱབ་རྒྱ་མུ་མཐུད་ཕུན་སུམ་ཚོགས་པོར་བསྐྱེད་ཅིང་། “བདེ་ཐང་ཀྲུང་གོ་”ནི་ལུས་རྩལ་གྱི་དམིགས་ཡུལ་དུ་གྱུར་བ་དང་། ལུས་རྩལ་གྱིས་རྒྱལ་ཁབ་སྟོབས་ལྡན་དུ་སྒྱུར་བའི་ཕུགས་འདུན་ནི་སྒོ་ཀུན་ནས་ཀྲུང་གོའི་ཕུགས་འདུན་གྱི་དུས་རབས་ཀྱི་འཕེལ་ཕྱོགས་དང་འདྲེས་ཡོད།