༄༅།།ཕུ་ཅིའི་ཡུལ་སྐོར་གྲུ་གཟིངས་མགོ་རྟིང་ལོག་པའི་ལས་འཛོལ་ནང་རྐྱེན་ལམ་དུ་ཤོར་བའི་མི་གྲངས་45
བར་འཕར་བས་ལས་འཛོལ་འགན་འཁྲི་བདའ་འདེད་སྤེལ་བཞིན་ཡོད་པ།

གསར་འགྱུར་སྤེལ་དུས། 　【2018ལོའི་ཟླ་ 07ཚེས་11ཉིན། 14:30】（རྩོམ་སྒྲིག་འགན་འཁུར་པ། བསྟན་འཛིན།）

མི་དམངས་དྲ་བའི་འཕྲིན། ཟླ་7ཚེས་10ཉིན། ཐེ་ལན་གྱི་ཕུ་ཅི་ཧྥུའུ་ཡི་ཡུལ་དཔོན་ནོར་ལ་ཕ་ཡིས་རོགས་སྐྱོབ་གནས་ཚུལ་གྱི་བརྡ་ཁྱབ་ཚོགས་འདུའི་ཐོག ཐེ་ལན་གྱི་རོགས་སྐྱོབ་མི་སྣས་ཉ་པའི་རོགས་རམ་འོག་སྐུ་ཕུང་3རྙེད་པ་དང་། གཞི་རྩའི་ཐོག་གྲུ་གཟིངས་མགོ་རྟིང་ལོག་པའི་ལས་འཛོལ་ཁྲོད་རྐྱེན་ལམ་དུ་ཤོར་བའི་མི་ཡིན་པ་གཏན་འཁེལ་བྱས་ཆོག དེར་བརྟེན་མིག་སྔའི་བར་རྐྱེན་ལམ་དུ་ཤོར་བའི་མི་གྲངས་45བར་འཕར་བ་གཏན་འཁེལ་བྱེད་ཆོག་པ་དང་། མི་2སྔར་བཞིན་ཤི་གསོན་ཤེས་རྟོགས་བྱུང་མེད།
ནོར་ལ་ཕས། ཤེས་རྟོགས་བྱུང་སའི་ས་ཆ་དང་སྐུ་ཕུང་གི་ཁྱད་ཆོས་ལ་བལྟས་ཚེ། གསར་དུ་རྙེད་པའི་སྐུ་ཕུང་3པོ་དེ་སྤྱིར་བཏང་ནས“ཁྱུང་ཆེན”རྟགས་ཅན་གྱི་གྲུ་གཟིངས་མགོ་རྟིང་ལོག་པའི་ལས་འཛོལ་ནང་རྐྱེན་ལམ་དུ་ཤོར་བ་ཡིན་པ་གཏན་འཁེལ་བྱས་ཆོག ཐོབ་ཐང་དངོས་ཁྱིམ་མིས་ངོས་འཛིན་བྱ་རྒྱུ་ཡིན་ཞེས་བརྗོད།

ཕྱོགས་བསྡུས་གསར་འགྱུར།