༄༅།།རྩྭ་ཕྱུགས་དོ་སྙོམས།

     མི་དམངས་དྲ་བའི་འཕྲིན། མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཀྲོའུ་རྩེ་ཁོག་རྫོང་འདི་ཉིད་གཙང་གསུམ་ཆུ་འགོའི་སྣོད་བཅུད་སྲུང་སྐྱོང་ཁུལ་གྱི་ལྟེ་བའི་ཁུལ་དུ་གནས་ཡོད་པ་དང་། འབྲོག་ལས་ནི་ས་གནས་དེ་གའི་འཚོ་གནས་དང་འཕེལ་རྒྱས་ཀྱི་ཀ་རྟེན་ཐོན་ལས་ཤིག་ཡིན། ཉེ་བའི་ལོ་ཤས་རིང་། ས་གནས་དེ་གའི་སྲིད་གཞུང་གིས་ཐོན་ལས་ཀྱི་གྲུབ་ཆ་ལེགས་སྒྲིག་བྱས་པ་བརྒྱུད་སྒྲིག་བཀོད་ཕྱུགས་རིགས་གསོ་ཚགས་དང་། ཚན་རིག་དང་མཐུན་པའི་ངང་ཕྱུགས་རིགས་གསོ་ཚགས་དང་། རྩྭ་ཕྱུགས་དོ་སྙོམས། མཐུན་སྦྱོར་འཕེལ་རྒྱས་བཅས་གཙོ་བོར་བྱེད་པའི་རྩྭ་ཐང་གི་སྣོད་བཅུད་འབྲོག་ལས་འཕེལ་རྒྱས་བཏང་བས་སྣོད་བཅུད་སྲུང་སྐྱོང་དང་འབྲོག་ལས་ཐོན་སྐྱེད་ཀྱི་འཁོར་རྒྱུག་བཟང་པོ་ཞིག་ཆགས་ཡོད། འདི་ནི་མཚོ་སྔོན་ཞིང་ཆེན་རྩེ་ཁོག་རྫོང་རྟ་དཀར་གྲོང་ཚོའི་སྣོད་བཅུད་འབྲོག་ལས་ཆེད་ལས་མཉམ་ལས་ཁང་གི་ཧྲེ་ཡོན་གྱིས་ལུག་གྲངས་ཀ་རྒྱག་བཞིན་ཡོད་པ་དང་། 2017ལོར། མཉམ་ལས་ཁང་དེར་ཡོང་འབབ་སྒོར་ཁྲི་1236བྱུང་བ་དང་། མི་རེར་ཆ་སྙོམས་ཡོང་འབབ་སྒོར་15110བྱུང་ཡོད་པ་རེད།