༄༅།།གངས་རིན་པོ་ཆེའི་ཁུལ་གྱི་ཞིང་འབྲོག་པའི་ཕྱུག་འགྱུར་ལམ་བུ།

     མི་དམངས་དྲ་བའི་འཕྲིན། ཟླ་7ཚེས་3ཉིན། སྐམ་ས་གྲོང་ཚོ་ནི་རྒྱ་མཚོའི་ངོས་ལས་མཐོ་ཚད་སྨི་6656ཡོད་པའི་གནས་རི་གངས་རིན་པོ་ཆེའི་རི་འདབས་སུ་ཆགས་ཡོད་པ་རེད། དུས་རབས་གོང་མའི་ལོ་རབས་80ཡི་ལོ་མགོ་ནས་བཟུང་། རྒྱལ་ཁབ་ཕྱི་ནང་གི་གངས་རིན་པོ་ཆེར་གནས་སྐོར་དང་ཡུལ་སྐོར་་དུ་ཕེབས་མཁན་མི་ཉིན་རེ་བཞིན་ཇེ་མང་དུ་འགྲོ་བཞིན་ཡོད་ཅིང་། དེ་ལ་བརྟེན་སྐམ་ས་གྲོང་ཚོའི་རྩྭ་ཆུ་འདེད་དེ་གནས་སྡོད་བྱས་ནས་འཚོ་བའི་ཞིང་འབྲོག་མི་དམངས་ཀྱང་ཡུལ་སྐོར་སྣེ་ལེན་གྱི་ལས་ལ་ཞུགས་འགོ་བརྩམས་པ་རེད། ཐོག་མར་གནས་སྐོར་དང་ཡུལ་སྐོར་དུ་ཕེབས་མཁན་བཅུ་ཕྲག་ཁ་ཤས་ཤིག་ལ་་སྣེ་ལེན་བྱས་པ་ནས།  2017ལོར་སླེབས་སྐབས་གནས་སྐོར་བ་དང་ཡུལ་སྐོར་བ་སྣེ་ལེན་བྱེད་ཚད་མི་ཁྲི་བཅུ་ལྷག་ཟིན་ཡོད་པ་རེད།