༄༅།།ཁྱད་ལྡན་ཐོན་ལས་ཀྱིས་འབབ་འཕར་ལ་སྐུལ་འདེད་བཏང་། 

        མི་དམངས་དྲ་བའི་འཕྲིན། ནང་སོག་རང་སྐྱོང་ལྗོངས་ཧུའུ་ལུན་པེའར་གྲོང་ཁྱེར་མུའུ་ལི་ཏ་ཝ་ཝོར་རིགས་རང་སྐྱོང་རྫོང་ཉིའར་ཅི་གྲོང་རྡལ་གྱིས་ཁྱད་ལྡན་ཐོན་ལས་འཕེལ་རྒྱས་གཏོང་རྒྱུ་དེ་དབུལ་སྒྲོལ་འགག་སྒྲོལ་གྱི་དམ་འཛིན་བྱ་གཞི་ནུས་ལྡན་དུ་བརྩིས་ནས“ཞིང་དུད་དང་། མཉམ་ལས་ཁང་། རྟེན་གཞི”བཅས་མཉམ་ལས་ཀྱི་ཐོན་ལས་ཅན་གཉེར་སྐྱོང་བྱེད་སྟངས་འཕེལ་རྒྱས་བཏང་བ་བརྒྱུད། སོ་ལོ་སོགས་ཀྲུང་ལུགས་སྨན་རྩྭ་འདེབས་འཛུགས་བྱས་པས་ཞིང་པའི་ཡོང་འབབ་མཐོ་རུ་ཕྱིན་པ་དང་ཆབས་ཅིག་ས་གནས་དེ་གའི་ཡུལ་སྐོར་ལས་རིགས་འཕེལ་རྒྱས་ལའང་སྐུལ་མ་ཐེབས་ཡོད།