༄༅།།ཕྱི་རྒྱལ་གྱི་དང་བླངས་པས་ཡ་རབས་ཚུལ་ལྡན་གྱི་ཁ་ཏ་སློབ་སྟོན་ཞབས་ཞུར་ཞུགས་པ།

     མི་དམངས་དྲ་བའི་འཕྲིན། ཉེ་ཆར། ཀྲེ་ཅང་གི་དབྱི་ཝུའུ་རུ་ཚོང་རྒྱག་མཁན་ཨ་ཧྥུ་ཀ་ནི་སི་ཐན་དང་། དབྱི་རན། སེ་ནེ་ཀལ། ཐུར་ཁེ་བཅས་ཀྱི་ཕྱི་རྒྱལ་གྱི་དང་བླངས་པས་གཞུང་ལམ་གྱི“ལམ་ཁྲའི་ཐོག་མི་སྔོན་ལ་གཏོང་བའི”ཡ་རབས་ཀྱི་ཁ་ཏ་སློབ་སྟོན་གྱི་ཞབས་ཞུར་ཞུགས་པ་རེད། “ཀྲུང་གོ་བ་དང་ཕྱི་རྒྱལ་བ་སུ་འདྲ་ཞིག་ཡིན་རུང་འཚོ་བ་ཀྲུང་གོར་བསྐྱལ་ཚེ་ཀྲུང་གོའི་བཅའ་ཁྲིམས་ལ་སྲུང་བརྩི་ཞུ་དགོས”ཕྱི་རྒྱལ་གྱི་དང་བླངས་པས་ཁ་ཏ་སློབ་སྟོན་གྱི་ཞབས་ཞུ་ཆེད་ལས་ལྡན་པའི་ངང་བསྒྲུབས་པར་གྲོང་མིའི་བསྔགས་བརྗོད་ཐོབ་པ་དང་། རྗེས་སུ་དབྱི་ཝུའུ་གྲོང་ཁྱེར་གྱིས་ཕྱི་རྒྱལ་གྱི་དང་བླངས་པ་མུ་མཐུད་དེ་ཁྲོམ་ལམ་དུ་བསྐྱོད་ནས་ཆེད་ལས་ལྡན་པའི་དང་བླངས་པའི་ཞབས་ཞུའི་བྱེད་སྒོ་སྣ་ཚོགས་བསྒྲུབས་ནས་གྲོང་ཁྱེར་འཕེལ་རྒྱས་ཡོང་བར་མཉམ་དུ་ཤར་བགྲོད་དང་། མཉམ་སྐྲུན། མཉམ་སྤྱོད། མཉམ་དར་བཅས་ཡོང་བར་སྐུལ་མ་སྔར་ལས་ལྷག་པ་གཏོང་རྒྱུ་ཡིན་པ་རེད།