༄༅།།རྒྱལ་ཁབ་ཀྱི་གསར་གཏོད་རྣམ་པའི་གྲོང་ཁྱེར་17ཁྲོད་ལྷ་ས་གྲོང་ཁྱེར་རང་ལྗོངས་ཀྱི་ཆོག་
མཆན་ཐོབ་པའི་གྲོང་ཁྱེར་དང་པོར་གྱུར་པ།

གསར་འགྱུར་སྤེལ་དུས། 　【2018ལོའི་ཟླ་ 04ཚེས་18ཉིན། 13:39】（རྩོམ་སྒྲིག་འགན་འཁུར་པ། མཁའ་འགྲོ།）

མི་དམངས་དྲ་བའི་འཕྲིན། ཉེ་ཆར་《རེས་སྐོར་གསར་པའི་གྲོང་ཁྱེར་གྱིས་གསར་གཏོད་རྣམ་པའི་གྲོང་ཁྱེར་འཛུགས་སྐྲུན་བྱེད་པར་རྒྱབ་སྐྱོར་བྱ་རྒྱུའི་སྐོར་གྱི་ཚན་རྩལ་པུའུ་དང་རྒྱལ་ཁབ་འཕེལ་སྒྱུར་ཨུ་ལྷན་གྱི་འཕྲིན་ཡིག་》ཁྱབ་བསྒྲགས་བྱས་ནས་འཛུགས་སྐྲུན་བྱ་རྒྱུའི་ཆོག་མཆན་ཐོབ་པའི་རྒྱལ་ཁབ་ཀྱི་གསར་གཏོད་རྣམ་པའི་གྲོང་ཁྱེར་17ཁྲོད་ལྷ་ས་གྲོང་ཁྱེར་རང་ལྗོངས་ཀྱི་གསར་གཏོད་རྣམ་པའི་གྲོང་ཁྱེར་འཛུགས་སྐྲུན་བྱེད་པར་ཆོག་མཆན་ཐོབ་པའི་གྲོང་ཁྱེར་དང་པོ་དེར་གྱུར་པ་རེད།
གསར་གཏོད་རྣམ་པའི་གྲོང་ཁྱེར་འཛུགས་སྐྲུན་བྱེད་པ་ནི“ཚན་རྩལ་གསར་གཏོད་ཀྱི་ས་ཁོངས་གཅིག་སྡུད་ཆོས་ཉིད་ལ་བརྩི་འཇོག་བྱེད་པ་དང་ཡུལ་བབ་དང་བསྟུན་པའི་ངང་ཧེ་བག་ཅན་གྱི་གསར་གཏོད་འཕེལ་རྒྱས་ལམ་བུ་འཚོལ་ཞིབ་བྱས་ཏེ་སྣེ་ཁྲིད་ནུས་པ་ཆེན་པོ་ལྡན་པའི་གསར་གཏོད་རྣམ་པའི་གྲོང་ཁྱེར་དང་ས་ཁོངས་གསར་གཏོད་ལྟེ་གནས་འགའ་ཞིག་འཛུགས་སྐྲུན་བྱ་རྒྱུའི”སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་ལག་བསྟར་དོན་འཁྱོལ་བྱེད་པའི་བྱ་ཐབས་གལ་ཆེན་ཞིག་ཡིན། གསར་གཏོད་རྣམ་པའི་རྒྱལ་ཁབ་འཛུགས་སྐྲུན་ལ་སྐུལ་འདེད་གཏོང་བ་དེ་གསར་གཏོད་སྐུལ་འདེད་ཀྱི་འཐབ་ཇུས་ལག་བསྟར་དང་རང་བརྟེན་གསར་གཏོད་ནུས་པ་ཆེ་རུ་གཏོང་རྒྱུར་འཐབ་ཇུས་ཀྱི་དོན་སྙིང་དང་སྣེ་ཁྲིད་དཔེ་སྟོན་གྱི་ནུས་པ་གལ་ཆེན་ལྡན་ཡོད།

ཕྱོགས་བསྡུས་གསར་འགྱུར།