༄༅།།ཞིང་ལས་དང་ཡུལ་སྐོར་མཉམ་འདྲེས་ཀྱིས་ཞིང་པར་འབབ་འཕར་བྱུང་བ། 

     མི་དམངས་དྲ་བའི་འཕྲིན། ཉེ་བའི་ལོ་ཤས་རིང་། ཧོ་པེ་ཞིང་ཆེན་ཏ་ཁྲང་ཧུད་རིགས་རང་སྐྱོང་རྫོང་གིས་པེ་ཅིང་དང་ཐེན་ཅིན་ཁུལ་དང་འབྲེལ་བའི་ས་བབ་ཀྱི་ལེགས་ཆར་བརྟེན་ནས། ཞིང་ལས་ཀྱི་ཐོན་ལས་གྲུབ་ཆ་ལེགས་སྒྲིག་ཧུར་ཐག་བྱེད་པ་དང་། རྫོང་ཁུལ་ཤར་རྒྱུད་དུ་དེང་རབས་ཞིང་ལས་ཚན་རྩལ་དཔེ་སྟོན་གླིང་གསར་སྤེལ་འཛུགས་སྐྲུན་བྱེད་པ། ཞིང་ལས་སྒྲིག་བཀོད་ཀྱི་ཐོན་ཁུངས་ལ་བརྟེན་པ། སོས་དལ་ཞིང་ལས་དང་གྲོང་གསེབ་ཀྱི་ཡུལ་སྐོར་མཉམ་འདྲེས་འཕེལ་རྒྱས་ཡོང་རྒྱུར་སྐུལ་འདེད་གཏོང་བ། བཅུད་ལྡན་ཤིང་ཏོག་འཐུ་བ་དང་ཡུལ་སྐོར་ལྟ་སྐོར་གྱི་ཁྱད་ལྡན་སོས་དལ་གྱི་ལྟ་སྐོར་ཞིང་ལས་གཏོད་པ་བཅས་བྱས་ཏེ་ཞིང་པའི་ཡོང་འབབ་འཕར་རྒྱུར་སྐུལ་ཁྲིད་བྱས་པས་དཔལ་འབྱོར་གྱི་ཕན་འབྲས་ལེགས་པོ་བྱུང་ཡོད་པ་རེད། གོང་གི་པར་རིས་ནི་ཟླ་1ཚེས་15ཉིན། ཡུལ་སྐོར་བས་ཧོ་པེ་ཞིང་ཆེན་ཏ་ཁྲང་ཧུད་རིགས་རང་སྐྱོང་རྫོང་ཆིན་ཤིན་ཞིང་ལས་གླིང་དུ་འབྲི་ཏ་ས་འཛིན་འཐུ་བཞིན་པ།