༄༅།།2018ལོའི་དཔྱིད་གསར་དུས་ཆེན་དང་བོད་ཀྱི་ལོ་གསར་གྱི་དགོང་ཚོགས་གྲ་སྒྲིག་བྱེད་པ།
གསར་འགྱུར་སྤེལ་དུས། 【2018ལོའི་ཟླ་ 01ཚེས་16ཉིན། 10:08】 (རྩོམ་སྒྲིག་འགན་འཁུར་པ། སྙིང་ལྕགས།)
མི་དམངས་དྲ་བའི་འཕྲིན། ཉིན་ཤས་བསྟུད་མའི་རིང་ལ། བོད་ལྗོངས་ཀྱི་རིག་རྩལ་ལས་ཁུངས་ཁག་གིས་རྒྱ་ཆེའི་མང་ཚོགས་ལ་ས་ཁྱི་ལོའི་ལོ་གསར་དགོང་ཚོགས་ཁྱད་དུ་འཕགས་པ་ཞིག་བསྟན་ཆེད། ཚ་ཚ་འུར་འུར་ངང་2018ལོའི་དཔྱིད་གསར་དུས་ཆེན་དང་བོད་ཀྱི་ལོ་གསར་གྱི་དགོང་ཚོགས་ནང་སྦྱོང་བྱེད་བཞིན་ཡོད་པ་རེད། ལོ་གསར་དགོང་ཚོགས་སུ་བོད་རིགས་མང་ཚོགས་ཀྱིས་དགའ་གུས་ཆེ་བའི་འཁྲབ་སྟོན་པ་དང་རྒྱལ་ནང་གི་གླུ་པ་གྲགས་ཅན་ཚོའི་ལེ་ཚན་སྣ་ཚོགས་བཀོད་སྒྲིག་བྱས་ཡོད་པ་རེད། པར་རིས་དག་ནི་2018ལོའི་དཔྱིད་གསར་དུས་ཆེན་དང་བོད་ཀྱི་ལོ་གསར་དགོང་ཚོགས་ནང་སྦྱོང་བྱེད་ཚུལ་ཡིན་པ་རེད།