༄༅།།ཡུན་ནན་ཞིང་ཆེན་ཞི་ཧྲོང་པན་ནཱ་ཁུལ་དུ་ཨར་ལས་བྱེད་མཁན་མི་སྣ་9ཕུག་ལམ་ནང་ཆུ་
ཚོད་50འགགས་རྗེས་སྐྱོབ་ཐུབ་པ།

     མི་དམངས་དྲ་བའི་འཕྲིན། ཡུན་ནན་ཞིང་ཆེན་ཞི་ཧྲོང་པན་ནཱ་ཁུལ་སྲིད་གཞུང་གི་གསར་འགྱུར་གཞུང་ལས་ཁང་གིས་ཆ་འཕྲིན་སྤེལ་བར་གཞིགས་ན། ཟླ་9ཚེས་16ཉིན་གྱི་ཆུ་ཚོད་10དང་སྐར་མ་45ཐོག་མྱུར་སྐྱོབ་བགྲོད་ལམ་ཡོངས་སུ་ཤར་གཏོང་བྱེད་ཐུབ་པས། ཆུ་ཚོད་12དང་སྐར་མ་43ཐོག ཕུག་ལམ་དུ་འགགས་པའི་ཨར་ལས་མི་སྣ་དང་པོ་སྐྱོབ་ཐུབ་པ་དང་། ཆུ་ཚོད་12དང་སྐར་མ་51ཐོག ཕུག་ལམ་དུ་ཆུ་ཚོད་50ལྷག་འགགས་པའི་ཨར་ལས་མི་སྣ་9ཚང་མ་སྐྱོབ་ཐུབ་ཅིང་། ཁོང་ཚོའི་ཚེ་སྲོག་ལུས་རྟགས་བརྟན་པོ་ཡོད་པ་རེད།