༄༅།།དམག་དམངས་ཀྱིས་དགའ་སྤྲོ་འཁོལ་བའི་ངང་བོད་ཀྱི་ཞིང་བྲན་ཁྲི་ཚོ་བརྒྱར་བཅིངས་
འགྲོལ་ཐོབ་པའི་དྲན་གསོའི་ཉིན་མོ་བསུ་བ།
གསར་འགྱུར་སྤེལ་དུས། 【2017ལོའི་ཟླ་ 03ཚེས་27ཉིན། 14:25】 (རྩོམ་སྒྲིག་འགན་འཁུར་པ། མཁའ་འགྲོ།)
མི་དམངས་དྲ་བའི་འཕྲིན།ཟླ་3ཚེས་25ཉིན་ “3·28”བོད་ཀྱི་ཞིང་བྲན་ཁྲི་ཚོ་བརྒྱར་བཅིངས་འགྲོལ་ཐོབ་པའི་དྲན་གསོའི་ཉིན་མོ་འཆར་གྲབས་ཡོ་པའི་སྐབས་སུ། བོད་ལྗོངས་གཞིས་ཀ་རྩེ་གྲོང་ཁྱེར་སྐྱིད་རོང་རྫོང་སྐྱིད་རོང་གྲོང་རྡལ་རྟ་དམག་གྲོང་ཚོའི་ངལ་གསོ་ཐང་ཆེན་དུ་གླུ་དབྱངས་ལེན་ཞིང་ཞབས་བྲོ་འཁྲབ་པ་སྟེ། ས་གནས་འདིར་བཅའ་སྡོད་ས་སྲུང་བྱེད་པའི་བོད་ལྗོངས་མཐའ་སྲུང་སྤྱི་ཁྱབ་རུ་ཁག་སྐྱིད་རོང་མཐའ་སྲུང་ཞིབ་བཤེར་ས་ཚིགས་ཀྱི་དཔོན་དམག་ཚོ་དང་གྲོང་ཚོ་དེའི་གྲོང་མི་ཚོས་མཉམ་དུ་བསྟོད་གླུ་ལེན་ཞིང་བྲོ་གར་འཁྲབ་ནས་བོད་ཀྱི་ཞིང་བྲན་ཁྲི་ཚོ་བརྒྱར་བཅིངས་འགྲོལ་ཐོབ་ནས་ལོ་ངོ་58འཁོར་བའི་དྲན་གསོའི་ཉིན་མོ་དགའ་བསུ་ཞུས་པ་རེད། གོང་གི་པར་རིས་ནི་གྲོང་ཚོ་དེའི་ཚོ་དཔོན་གྱིས་བྱེད་སྒོར་ཞུགས་པར་ཕེབས་པའི་མཐའ་སྲུང་དམག་མི་དངོས་གྲུབ་ཚེ་རིང་ལ་བཞེས་ཆང་ཕུལ་ནས་སྨོན་ཚིག་ཞུ་བཞིན་པ་རེད།