༄༅།།ཟླ་དང་པོ་དང་གཉིས་པའི་དམངས་ཁྲོད་མ་འཇོག་འཕར་ཚད་ན་ནིང་གི་ཟླ་3པ་ཚུན་གྱི་མགྱོགས་
ཤོས་སུ་སླེབས་པ།

      མི་དམངས་དྲ་བའི་འཕྲིན། ཉེ་ཆར། རྒྱལ་ཁབ་བསྡོམས་རྩིས་ཅུས་ཀྱིས་ཡོངས་བསྒྲགས་བྱས་པའི་གྲངས་གཞི་ལས་མངོན་པ་ལྟར་ན། འདི་ལོའི་ཟླ་དང་པོ་ནས་གཉིས་པའི་བར་རྒྱལ་ཡོངས་ཀྱི་གཏན་འཇགས་རྒྱུ་ནོར་གྱི་མ་འཇོག(ཞིང་དུད་ཚུད་མེད)དེ་དུས་མཚུངས་ལས་8.9%འཕར་བ་དང་། འཕར་ཚད་དེ་ན་ནིང་གི་ལོ་ཧྲིལ་པོ་ལས་བརྒྱ་ཆའི་གྲངས་0.8མགྱོགས་སུ་ཕྱིན་ཡོད། དེའི་ནང་དམངས་ཁྲོད་ཀྱི་མ་འཇོག་6.7%འཕར་བ་དེ་ན་ནིང་གི་ལོ་ཧྲིལ་པོ་ལས་བརྒྱ་ཆའི་གྲངས་3.5མགྱོགས་སུ་ཕྱིན་པ་དེ་ན་ནིང་གི་ཟླ་3པའི་ཚུན་གྱི་འཕར་ཚད་མགྱོགས་ཤོས་ཡིན་ཞིང་། མ་འཇོག་ཡོངས་ཀྱི་བསྡུར་ཚད་ཀྱི་60.4%བཟུང་ཡོད།