༄༅།།ཤིན་ཅང་ཨ་ཁེ་ཐའོ་རུ་ས་ཡོམ་བརྒྱབ་ནས་པུའུ་ལ་ཁེ་གྲོང་ཚོའི་མང་ཚོགས་བཀོད་སྒྲིག་བྱས་པ།

      མི་དམངས་དྲ་བའི་འཕྲིན། ཟླ་11ཚེས་26ཉིན་ཤིན་ཅང་ཨ་ཁེ་ཐའོ་རུ་ས་ཡོམ་བརྒྱབ་ནས་གནོད་འཚེ་ཕོག་ཡུལ་གཙོ་གནད་གྲོང་ཚོ་མུའུ་ཅི་ཤང་གི་པུའུ་ལ་ཁེ་གྲོང་ཚོར་རོགས་སྐྱོབ་ལས་དོན་སྤེལ་མཁན་ཨ་ཁེ་ཐའོ་རྫོང་གི་ལས་དོན་མི་སྣས་ངོ་སྤྲོད་བྱས་པར་གཞིགས་ན། རིམ་གྱིས་གྲལ་བཤེར་བྱས་རྗེས་གྲོང་ཚོར་ཁྱོན་དུད་ཚང་60ཡོད་པའི་ཁྲོད་དུད་ཚང་43ལ་གནོད་འཚེ་ཕོག་པའི་ནང་དུད་ཚང་11གི་སྡོད་ཁང་ལ་གཏོར་སྐྱོན་ཕོག་ཡོད། མིག་སྔར་གུར་ཕུབ་ཟིན་པ་དང་། སོལ་རླངས་དང་། ཉལ་ཆས། ཉལ་ཁྲི། ལྭ་རིང་བཅས་ཚང་མ་སྤྲད་ཟིན་ཞིང་། འདི་ནི་པུའུ་ལ་ཁེ་གྲོང་ཚོར་མེ་ཟོན་དཔོན་དམག་དང་ལས་དོན་མི་སྣས་གནོད་འཚེ་ཕོག་མཁན་མང་ཚོགས་ལ་དངོས་ཟོག་སྤོ་རོགས་བྱེད་པའི་གནས་ཚུལ་ཡིན་པ།