༄༅།།ཁོ་རེ་ཡ་ལྷོ་མའི་དམངས་ཚོགས་འདུ་འཛོམས་བྱས་ཏེ་ཙུང་ཐུང་ཕིའོ་ཅིན་ཧུའེ་སྲིད་སྟེགས་
ནས་འབབ་དགོས་པའི་རེ་འབོད་བྱས་པ།
གསར་འགྱུར་སྤེལ་དུས། 【2016ལོའི་ཟླ་ 11ཚེས་07ཉིན། 10:18】 (རྩོམ་སྒྲིག་འགན་འཁུར་པ། སྙིང་ལྕགས།)
མི་དམངས་དྲ་བའི་འཕྲིན། ཟླ་11ཚེས་5ཉིན་ཁོ་རེ་ཡ་ལྷོ་མའི་དམངས་ཚོགས་རྒྱལ་ས་སེ་འོལ་གྲོང་ཁྱེར་དུ་འདུ་འཛོམས་བྱས་ཏེ་ཙུང་ཐུང་ཕིའོ་ཅིན་ཧུའེ་སྲིད་སྟེགས་ནས་འབབ་དགོས་པའི་རེ་འབོད་བྱས་པ་རེད།
ཁོ་རེ་ཡ་ལྷོ་མའི་སྨྱན་སྦྱོར་ལས་ཁུངས་ཀྱིས་སྤེལ་བའི་གནས་འཕྲིན་ལ་གཞིགས་པ་དང་། ཉེན་རྟོག་ཕྱོགས་ཀྱིས་ཚོད་དཔག་བྱས་པ་ལྟར་ན་ཉིན་དེའི་དགོང་མོར་འདུ་འཛོམས་ལ་ཞུགས་པའི་དམངས་ཚོགས་ནི་ཧ་ལམ་ཁྲི་4.5ཡོད་པ་དང་། ཁོ་རེ་ཡ་ལྷོ་མའི་དམངས་འདོད་བརྟག་དཔྱད་ལས་ཁུངས"རྩིས་ཆས་འཁྲུལ་མེད"ནས་ཚེས་3ཉིན་ཡོངས་བསྒྲགས་བྱས་པའི་དམངས་འདོད་བརྟག་དཔྱད་བྱས་འབྲས་ལ་གཞིགས་ན། "གྲོགས་མོས་སྲིད་དོན་ལ་ཐེ་གཏོགས"བྱས་པའི་དོན་རྐྱེན་གྱི་ཤུགས་རྐྱེན་ཐེབས་པའི་བརྟེན་བཅར་འདྲི་དང་ལེན་བྱེད་མཁན་55.3%ཡིས་ཙུང་ཐུང་ཕིའོ་ཅིན་ཧུའེ་སྲིད་སྟེགས་ནས་འབབ་དགོས་པའམ་ཁོའི་ནག་ཉེས་ཐེར་འདོན་བྱ་དགོས་པའི་ངོས་འཛིན་བྱེད་ཀྱི་ཡོད་པ་རེད།