༄༅།།བོད་ལྗོངས་ལོང་བའི་རོལ་ཚོགས་ཀྱིས་ལྷ་ས་དམིགས་བསལ་སློབ་གྲྭ་ནས་རྒྱལ་སྤྱིའི་ལོང་བའི་
དུས་ཆེན་བསུ་བ།

     མི་དམངས་དྲ་བའི་འཕྲིན། རྒྱལ་སྤྱིའི་ལོང་བའི་དུས་ཆེན་སླེབས་ལ་ཉེ་བའི་སྐབས། བོད་ལྗོངས་ཀྱི་ཁ་བཏགས་དཀར་པོ་ལོང་བའི་རོལ་ཚོགས་ལྷ་ས་གྲོང་ཁྱེར་གྱི་དམིགས་བསལ་སློབ་གྲྭར་ཕྱིན་ཏེ་སློབ་གྲྭ་དེ་གའི་སློབ་མ་ཚོར་སྙན་འཇེབས་ལྡན་པའི་རོལ་དབྱངས་འཁྲབ་སྟོན་བྱས་པ་དང་། དམིགས་བསལ་སློབ་གྲྭའི་སློབ་མ་ཚོ་ཡང་གར་སྟེགས་སུ་བུད་དེ་རྩེད་མོ་འཁྲབ་ནས་ཕུ་བོ་དང་གཅེན་མོ་ཚོར་སྨོན་འདུན་ཞུས་པ་རེད། མིག་སྔར་གྱི་ལོང་བའི་རོལ་ཚོགས་འདི་ཁྲོད་ཀྱི་མི་5ནི་དམིགས་བསལ་སློབ་གྲྭ་འདི་ག་ནས་སློབ་མཐར་ཕྱིན་མཁན་ཡིན་པས། མ་ཡུམ་སློབ་གྲྭར་ཕྱིན་ཏེ་འཁྲབ་སྟོན་བྱེད་ཐུབ་པས་ཡིད་སེམས་དགའ་པོ་བྱུང་ཡོད་པ་རེད།