༄༅།།ནག་ཆུའི་ཉམས་འགྱུར་ཧང་ཀྲོའུ་ཤིས་ཧུའུ་མཚེའུའི་འགྲེམས་ཚོགས་ཀྱི་ཡུལ་སྐོར་དུས་ཆེན་
ཐོག་འགྲེམས་སྟོན་བྱས་པ།

     མི་དམངས་དྲ་བའི་འཕྲིན། ཟླ་10ཚེས་14ཉིན། དུས་ཡུན་ཉིན་3གྱི་2016ལོའི་ཧང་ཀྲོའུ་ཤིས་ཧུའུ་མཚེའུའི་འགྲེམས་ཚོགས་ཀྱི་རྒྱལ་སྤྱིའི་ཡུལ་སྐོར་དུས་ཆེན་ཧང་ཀྲོའུ་ཝུའུ་ཧྲན་ཐང་ཆེན་དུ་གཉེར་འགོ་ཚུགས་པ་དང་། ད་ཐེངས་ཡུལ་སྐོར་དུས་ཆེན་གྱིས་ཐེངས་དང་པོར་ནག་ཆུའི་འགྲེམས་སྟོན་ཁུལ་བཙུགས་ནས་མངོན་གསལ་དོད་པོས་བོད་ལྗོངས་ནག་ཆུ་ས་ཁུལ་གྱི་མི་རིགས་ཀྱི་རིག་གནས་དང་། ཡུལ་སྲོལ་གོམས་གཤིས། དམངས་ཁྲོད་སྒྱུ་རྩལ། ཡུལ་སྐོར་ཐོན་ཁུངས་བཅས་འགྲེམས་སྟོན་བྱས་ཏེ་བྱང་རྩྭ་ཐང་དུ་གདོད་མ་ནས་ཡོད་པའི་དམིགས་བསལ་ཉམས་འགྱུར་མངོན་པར་བྱས་པར་རྒྱ་ཆེའི་གྲོང་མི་དང་ཡུལ་སྐོར་བའི་དགའ་བསུ་ཐོབ་པ།