༄༅།།ཨ་རིའི་མངའ་སྡེ་ཁ་ལི་ཧྥོར་ནི་ཡའི་ཁོངས་སུ་རི་མེ་ཧ་ཅང་ཚབས་ཆེན་པོ་ཤོར་བ།

     མི་དམངས་དྲ་བའི་འཕྲིན། ཟླ་8ཚེས་16ཉིན་གྱི་སྔ་དྲོར་ཨ་མེ་རི་ཁ་རྒྱལ་ཁབ་ཀྱི་མངའ་སྡེ་ཁ་ལི་ཧྥོར་ནི་ཡའི་ལྷོ་རྒྱུད་ཀྱི་ཧྲེན་པོ་ན་ཏི་ཨོ་རྫོང་ཁོངས་སུ་གློ་བུར་དུ་རི་མེ་ཚབས་ཆེན་པོ་ཤོར་ནས་མེ་ཤུགས་མགྱོགས་མྱུར་ངང་གང་སར་མཆེད་པས། མིག་སྔར་མེ་སྐྱོན་ཤོར་རྒྱ་དབྱིན་མུའུ་ཁྲི་3(ཧ་ལམ་སྤྱི་ལེ་གྲུ་བཞི་མ་122དང་མཚུངས་པ་)ཟིན་ཡོད་པ་རེད། མེ་གསོད་མེ་འགོག་མི་སྣ་700ལྷག་དང་མེ་གསོད་གནམ་གྲུ་10ལྷག་གིས་ཉིན་མཚན་བསྟུད་མར་མེ་གསོད་ལས་ལ་བྲེལ་ན་ཡང་། རླུང་ཆེན་པོ་རྒྱག་པ་དང་ཚ་བ་ཆེ་ཞིང་ཐན་པ་ཆེ་བའི་གནམ་གཤིས་ཉིན་ཤས་བསྟུད་མར་བསྟན་པས་མེ་སྐྱོན་ལ་ཚོད་འཛིན་བྱེད་དཀའ་བའི་ཉེན་ཁ་ཡོད་པ་རེད།