༄༅།།《རྒྱ་བཟའ་ཀོང་ཇོ་》ཞེས་པའི་ཟློས་གར་2016ལོའི་འཁྲབ་ཐེངས་དང་པོ་བྱེད་འགོ་ཚུགས་
པ་དང་ལྷ་སར་ཡུལ་སྐོར་བ་མང་བའི་དུས་སླེབས་པ།  

     ཟླ་4ཚེས་20ཉིན་གྱི་དགོང་མོར་འཁྲབ་སྟོན་གྱི་སྣང་བརྙན་དང་ཟློས་གར་གྱི་ནང་དོན་རིམ་སྤར་ལེགས་བཅོས་བྱས་རྗེས་ཀྱི་བོད་ཀྱི་རིག་གནས་ལོ་རྒྱུས་མཚོན་པའི་སྙན་ངག་ཟློས་གར་ཆེན་མོ་《རྒྱ་བཟའ་ཀོང་ཇོ་》ཞེས་པ་དེ་ལྷ་སར་ལྟད་མོ་བ་ཚོར་འཁྲབ་སྟོན་བྱས་པ་རེད། 《རྒྱ་བཟའ་ཀོང་ཇོའི་》ཞེས་པའི་བོད་ཀྱི་རིག་གནས་ལོ་རྒྱུས་མཚོན་པའི་སྙན་ངག་ཟློས་གར་ཆེན་མོ་འདི་ནི་ལྷ་སའི་རི་ཆུ་སོགས་རང་བྱུང་ཡུལ་ལྗོངས་རྒྱབ་ལྗོངས་བྱེད་པ་དང་། རྒྱ་བཟའ་ཀོང་ཇོ་བོད་དུ་ཕེབས་པ་འཁྲབ་སྟོན་གྱི་བརྗོད་བྱ་གཙོ་བོར་བྱེད་ཅིང་། རྒྱ་བོད་དཔལ་འབྱོར་སྤྱི་ཚོགས་དང་མི་རིགས་རིག་གནས་ཕན་ཚུན་སྤེལ་རེས་ལ་སྐུལ་འདེད་གཏོང་བའི་གཏམ་རྒྱུད་གཙོ་གནད་དུ་བཟུང་ནས་ལོ་སྟོང་ལྷག་བརྒྱུད་གཏོང་བྱས་པའི་ངོ་མཚར་ཆེ་བའི་ལོ་རྒྱུས་མཚོན་པའི་སྙན་ངག་ཟློས་གར་འཁྲབ་སྟོན་བྱས་པ་རེད། 《རྒྱ་བཟའ་ཀོང་ཇོ་》ཞེས་པའི་ཟློས་གར་འདི་ནི་2013ལོར་གནས་མཆོག་ལྷ་སར་ཐོག་མར་འཁྲབ་སྟོན་བྱས་པ་རེད། 【1】  【2】  【3】  【4】  【5】  【6】  【7】