༄༅།།ཧའེ་ཁོའུ་འགག་སྒོ་ནས་རྒྱལ་ཡོངས་སུ་སྦྲུལ་ཆེན་གྱི་པགས་པ་ལྐོག་འདྲེན་གྱོད་དོན་ཆེ་ཤོས་
ཤིག་རྩད་ཆོད་བྱུང་བ།

     མི་དམངས་དྲ་བའི་འཕྲིན། 2016ལོ་ནས་བཟུང་ཧའེ་ཁོའུ་འགག་སྒོ་ཡིས་ཚབ་མིང་ལ"སྦྲུལ་ཆེན"ཞེས་པའི་འཛིན་བཟུང་བྱ་སྤྱོད་སྤེལ་ཞིང་། ཉེ་སྔོན་རིན་གོང་དམའ་པོ་གོང་ཞུ་བྱེད་པའི་སྒོ་ནས་སྦྲུལ་ཆེན་གྱི་པགས་པ་ལྐོག་འདྲེན་ལྐོག་འཚོང་བྱེད་པའི་གྱོད་གཞི་ཆེན་པོ་ཞིག་རྩད་ཆོད་བྱུང་བ་དང་། གྱོད་གཞི་འདིའི་རིན་ཐང་སྒོར་དུང་ཕྱུང་3.1ཟིན་པ་མ་ཟད། དོགས་ཡོད་ཉེས་ཅན་16འཛིན་བཟུང་བྱས་ཤིང་དོགས་ཡོད་ཉེས་ཅན་གཙོ་བོ་ཚང་མ་འཛིན་བཟུང་བྱས་ཡོད་པ་རེད། ཡུལ་དངོས་སུ་ལྐོག་འདྲེན་ནང་འདྲེན་བྱས་པའི་སྦྲུལ་ཆེན་གྱི་པགས་པ་24697དང་གནད་འགག་ཆེ་བའི་དཔང་རྟགས་དཔྱད་ཡིག་ཁག་ཅིག་ཞིབ་བཤེར་བཀག་ཉར་བྱས་པ་རེད།  མཚམས་སྦྱོར་བྱས་པ་ལྟར་ན། འདི་ནི་མིག་སྔའི་བར་དུ་འགག་སྒོ་ལྐོག་འདྲེན་མཁན་འཛིན་བཟུང་སྡེ་ཁག་གིས་རྩད་ཆོད་བྱུང་བའི་རྒྱལ་ཡོངས་སུ་སྦྲུལ་ཆེན་གྱི་པགས་པ་ལྐོག་འདྲེན་བྱེད་པའི་གྱོད་གཞི་ཆེ་ཤོས་ཤིག་རེད།