༄༅།།ཐེན་ཅིན་གྲུ་ཁའི་འབར་གས་དོན་རྐྱེན་ཁྲོད་གནོད་སྐྱོན་ཕོག་པའི་རླངས་འཁོར་དག་བཟོ་
བཅོས་ཉུང་ཙམ་བྱས་རྗེས་ཁྲོམ་རར་བཀྲམ་པ།

     མི་དམངས་དྲ་བའི་འཕྲིན། ཉེ་ཆར་ཐེན་ཅིན་གྲུ་ཁའི་འབར་གས་དོན་རྐྱེན་ཁྲོད་གནོད་སྐྱོན་ཕོག་པའི་རླངས་འཁོར་ཏ་ཆའེ་ནའོ་ཅི་(大切诺基)དང་Jeepཕྱོགས་སྟོན་པ་(Jeep指南者)ཞེས་པའི་རླངས་འཁོར་འགའ་རིན་གོང་སླ་མོ་ངང་ཚོང་ར་ནས་བཙོང་བ་རེད། ཕྱིར་ཚོང་པས་ཞིག་གསོ་ས་ཚུགས་དང་མཉམ་འབྲེལ་བྱས་ཏེ་གནོད་སྐྱོན་ཕོག་པའི་རླངས་འཁོར་ཞིག་གསོ་བྱས་པ་དང་། དེ་ནས་ཉོ་འཚོང་ཀུང་སི་ནས་འཛིན་ཤོག་བླངས་པ་སོགས་བྱས་ཡོད་པ་རེད། རླངས་འཁོར་ཀུང་སི་ཁི་ལའེ་སི་ལི་(克莱斯勒)ཡིས་གནོད་སྐྱོན་ཕོག་པའི་Jeepརླངས་འཁོར་དག་ལ་བཟོ་གྲྭ་ཡིས་རྒྱུ་སྤུས་འགན་ལེན་གྱི་ཐོབ་ཐང་མེད་ཅེས་བསྒྲགས། གཞན་ད་དུང་རླངས་འཁོར་ལ་ཡང་ཨང་རྟགས་བཀོད་མི་ཆོག་པའི་ཉེན་ཁ་ཡང་འབྱུང་སྲིད་པ་རེད། འགན་སྲུང་ཀུང་སི་ཞིག་གིས་གནོད་སྐྱོན་ཕོག་པའི་རླངས་འཁོར་གྱི་བདེ་འཇགས་ལ་མངོན་མེད་ཀྱི་གནོད་སྐྱོན་ཡོད་པས་འགན་སྲུང་ཀུང་སིས་འགན་སྲུང་ཁས་ལེན་ཡང་མི་བྱེད་པར་སྙམ་ཞེས་བསྟན་པ་རེད།