༄༅།།མཚོ་བོད་ལྕགས་ལམ་ཀུང་སིས་ལྷ་ས་ནས་ཟི་ལིང་བར་གྱི་སྐབས་འཕྲལ་མེ་འཁོར་
མང་དུ་བཏང་བ།

     མི་དམངས་དྲ་བའི་འཕྲིན། ཀྲུང་གོ་བོད་ལྗོངས་གསར་འགྱུར་དྲ་བའི་ཐོག་གནས་ཚུལ་སྤེལ་བ་གཞིར་བཟུང་། ཉིན་ཤས་གོང་གསར་འགོད་པས་མཚོ་བོད་ལྕགས་ལམ་ཀུང་སི་ནས་ཤེས་རྟོགས་བྱས་པར་གཞིགས་ན། མཚོ་བོད་ཞིང་ཆེན་དང་རང་སྐྱོང་ལྗོངས་གཉིས་ཀྱི་ཉིན་བཞིན་ཆེ་རུ་འགྲོ་བའི་ཡུལ་སྐོར་འགྲུལ་རྒྱུན་གྱི་དགོས་མཁོ་སྐོང་ཆེད་མཚོ་བོད་ལྕགས་ལམ་ཀུང་སིས་ཟླ་6ཚེས་5ཉིན་ནས་བཟུང་ལྷ་ས་ནས་ཟི་ལིང་བར་ཐད་གཏོང་མེ་འཁོར་གཏོང་ཐེངས་མང་དུ་བཏང་ནས་རྒྱ་ཆེའི་འགྲུལ་པ་ཚོ་ཕྱིར་བསྐྱོད་རྒྱུར་སྟབས་བདེ་བསྐྲུན་རོགས་བྱས་ཡོད།
     ཤེས་རྟོགས་བྱུང་བར་གཞིགས་ན། མཚོ་བོད་ལྕགས་ལམ་ཀུང་སིའི་བཀོད་སྒྲིག་གཞིར་བཟུང་ཟླ་6ཚེས་5ནས་ཚེས་28ཉིན་བར་ཟི་ལིང་ནས་ལྷ་ས་བར་ཉིན་ལྟར་Z9815རྟགས་ཅན་འགྲུལ་སྐྱེལ་མེ་འཁོར་མང་དུ་བཏང་བ་དང་། ཟླ་6ཚེས་6ནས་ཚེས་29ཉིན་བར་ལྷ་ས་ནས་ཟི་ལིང་བར་ཉིན་ལྟར་Z9816རྟགས་ཅན་གྱི་འགྲུལ་སྐྱེལ་མེ་འཁོར་མང་དུ་བཏང་ཡོད།