༄༅།།ཧུའུ་ནན་ཞིང་ཆེན་དུ་དྲག་ཆར་ཆུ་ལོག་དང་ཞོད་སྐྱོན་གྱི་གནོད་འཚེ་ཚབས་ཆེན་བྱུང་སྟབས་
རྒྱལ་ཁབ་ཀྱི་IVརིམ་པའི་གེགས་སེལ་འཕྲལ་སྡོམ་སྔོན་ཇུས་ལག་
བསྟར་བྱེད་འགོ་བརྩམས་པ།
གསར་འགྱུར་སྤེལ་དུས། 【2015ལོའི་ཟླ་ 06ཚེས་05ཉིན། 14:01】 (རྩོམ་སྒྲིག་འགན་འཁུར་པ། སྙིང་ལྕགས།)
མི་དམངས་དྲ་བའི་འཕྲིན། ཟླ་6ཚེས་4ཉིན་གྱི་ཆུ་ཚོད་11སྟེང་རྒྱལ་ཁབ་ཀྱི་གནོད་འཚེ་ཉུང་གཏོང་ཨུ་ཡོན་ལྷན་ཁང་དང་དམངས་སྲིད་པུའུ་གཉིས་ཀྱིས་ཉེ་ཆར་ཧུའུ་ནན་ཞིང་ཆེན་དུ་བྱུང་བའི་དྲག་ཆར་ཆུ་ལོག་དང་ཞོད་སྐྱོན་གྱི་གནོད་འཚེ་ཚབས་ཆེན་ལ་དམིགས་ནས་རྒྱལ་ཁབ་ཀྱི་IVརིམ་པའི་གེགས་སེལ་འཕྲལ་སྡོམ་སྔོན་ཇུས་འཕྲལ་མར་ལག་བསྟར་བྱེད་འགོ་བརྩམས་པ་དང་། ལས་དོན་ཚོགས་ཆུང་འཕྲལ་མར་གནོད་འཚེ་ཕོག་ཁུལ་དུ་བཏང་ནས་གནོད་ཐེབས་གནས་ཚུལ་ལྟ་ཞིབ་རྒྱུས་ལོན་དང་། གནོད་ཐེབས་མང་ཚོགས་ཀྱི་འཚོ་བ་སླར་གསོ་དང་གནོད་སེལ་རོགས་སྐྱོར་དང་མཛུབ་སྟོན་བྱེད་དུ་བཅུག་པ་རེད།