༄༅།།སྐྱིད་རོང་འགག་སྒོར་བགྲོད་པའི་གཞུང་ལམ་ཚང་མ་མྱུར་བཟོ་ཤར་གཏོང་བྱས་པ།

     མི་དམངས་དྲ་བའི་འཕྲིན། ཟླ་5ཚེས་8ཉིན་གྱི་ཆུ་ཚོད་16ཡས་མས་སུ་ཉེན་རྟོག་དྲག་དཔུང་འགྲིམ་འགྲུལ་སྤྱི་ཁྱབ་རུ་ཁག་གཉིས་པའི་ཡན་ལག་རུ་ཁག་བཞི་པའི་དཔོན་དམག་བརྒྱ་ལྷག་གིས་ཉིན་ཞག་8བསྟུད་མར་དཀའ་སྤྱད་འབད་བཟོ་བྱས་པ་བརྒྱུད་ནེ་པ་ལའི་ས་ཡོམ་ཚབས་ཆེན་གྱི་དབང་གིས་ཉིན་13རིང་བགྲོད་ལམ་ཆད་པའི་216རྒྱལ་ལམ་གྱི་སྐྱིད་རོང་གྲོང་རྡལ་ནས་སྐྱིད་རོང་འགག་སྒོའི་བར་གྱི་བགྲོད་ལམ་ཡོངས་སུ་རླངས་འཁོར་ཤར་གཏོང་ཐུབ་པར་བཟོས་པ་རེད།