༄༅།།བོད་ལྗོངས་ཀྱིས་ཚོགས་པ་སྒྲིག་འཛུགས་ཐེངས་དང་པོ་བྱས་ཏེ་མཚོ་འགག་གི་ཡུལ་སྐོར་དངོས་
མང་སྟོན་ཚོགས་ལ་ཞུགས་པ།

     མི་དམངས་དྲ་བའི་འཕྲིན། ཟླ་5ཚེས་8ཉིན་སྐབས་བཅུ་གཅིག་པའི་མཚོ་འགག་གི་ཡུལ་སྐོར་དངོས་མང་སྟོན་ཚོགས་ཧྥུ་ཅན་ཞིང་ཆེན་ཞ་མེན་གྲོང་ཁྱེར་དུ་འཚོགས་འགོ་ཚུགས་ཤིང་། བོད་རང་སྐྱོང་ལྗོངས་ཡུལ་སྐོར་འཕེལ་རྒྱས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་ཚེ་རིང་སྒྲོལ་མས་བོད་རང་སྐྱོང་ལྗོངས་ཀྱི་ས་ཁུལ་དང་གྲོང་ཁྱེར་གྱི་ཡུལ་སྐོར་ཅུས་དང་ཡུལ་སྐོར་ཁེ་ལས་ཁ་ཤས་ཀྱི་མི་སྣ་30ལྷག་གི་སྣེ་ཁྲིད་དེ་མཚོ་འགག་གི་ཡུལ་སྐོར་དངོས་མང་སྟོན་ཚོགས་ལ་ཞུགས་པ་རེད། འདི་ནི་བོད་ལྗོངས་ཀྱིས་ཚོགས་པ་སྒྲིག་འཛུགས་ཐེངས་དང་པོ་བྱས་ནས་མཚོ་འགག་གི་ཡུལ་སྐོར་དངོས་མང་སྟོན་ཚོགས་ལ་ཞུགས་པ་རེད།