༄༅།།དམངས་སྲིད་པུས་བོད་ཀྱི་ས་ཡོམ་གནོད་འཚེ་ཕོག་ཁུལ་ལ་གེགས་སེལ་དངོས་རྫས་
འཕྲལ་དུ་མཁོ་འདོན་བྱས་པ།

     མི་དམངས་དྲ་བའི་འཕྲིན། ཟླ་4ཚེས་26ཉིན་དམངས་སྲིད་པུས་དྲ་ཚུགས་ཐོག་ཆ་འཕྲིན་ཁྱབ་བསྒྲགས་བྱས་ནས་ནེ་པ་ལར་ས་ཡོམ་རིམ་པ་8.1བརྒྱབ་ནས་རང་རྒྱལ་གྱི་བོད་རང་སྐྱོང་ལྗོངས་ལའང་གནོད་སྐྱོན་ཕོག་ཡོད། དམངས་སྲིད་པུས་ལྷ་ས་དང་། ཟི་ལིང་། གོར་མོ། ཝུའུ་ཧན་སོགས་ཀྲུང་དབྱང་གི་གེགས་སེལ་དངོས་རྫས་གྲབས་གསོག་མཛོད་ནས་འཕྲལ་དུ་གུར་5000དང་། སྲིང་བལ་སྟོད་གོས་ཁྲི་3 སྲིང་བལ་ཉལ་ཆས་ཁྲི་3 ལྟེབས་ཁྲི་ཁྲི་1.5 ཉལ་ཁུག་ཁྲི་1.5སོགས་ཀྲུང་དབྱང་གི་གེགས་སེལ་གྲབས་གསོག་དངོས་རྫས་མཁོ་འདོན་བྱས་ཏེ་གེགས་ཁུལ་ལ་གནོད་འཚེ་ཕོག་པའི་མང་ཚོགས་གནས་སྐབས་བཀོད་སྒྲིག་གི་ལས་དོན་ཡག་པོ་བསྒྲུབ་རོགས་བྱས་ཡོད་ཅེས་བཤད་པ་རེད། རང་སྐྱོང་ལྗོངས་དང་། ས་ཁུལ། རྫོང་བཅས་རིམ་པ་གསུམ་གྱིས་གུར་ཁྲི་2.1དང་། སྲིང་བལ་སྨད་གོས་ཁྲི་2.3 བཟའ་བཅའ། སྨན་རྫས། འཐུང་ཆུ་སོགས་ཀྱི་གེགས་སེལ་དངོས་རྫས་འཕྲལ་དུ་སྐོང་འདྲེན་བྱས་ནས་སྤྲད་ཡོད།