༄༅།།མཚོ་སྔོན་ཁྲི་ཀ་རུ་རྒྱལ་སྤྱིའི་དགུན་དུས་རྨ་ཆུ་བརྒལ་བའི་ཐག་གཅོད་འགྲན་བསྡུར་བྱས་པ།
གསར་འགྱུར་སྤེལ་དུས། 【2015ལོའི་ཟླ་ 01ཚེས་13ཉིན། 09:00】 (རྩོམ་སྒྲིག་འགན་འཁུར་པ། སྙིང་ལྕགས།)
མི་དམངས་དྲ་བའི་འཕྲིན། ཟླ་1ཚེས་11ཉིན་ཀྲུང་གོ•མཚོ་སྔོན་གྱི་རྒྱལ་སྤྱིའི་དགུན་དུས་རྨ་ཆུ་བརྒལ་བའི་ཉེན་ཆེ་སྤྲོ་ཆེའི་འགྲན་སློང་ཐག་གཅོད་འགྲན་བསྡུར་སྐབས་ལྔ་པ་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་ཁྲི་ཀ་རྫོང་དུ་བྱས་པ་རེད། རྒྱལ་ཁབ་9ནས་ཡོང་བའི་དགུན་དུས་ཆུ་རྐྱལ་ལ་དགའ་པོ་བྱེད་མཁན་58འགྲན་བསྡུར་ནང་ཞུགས་ཡོད་པ་དང་། འགྲན་བསྡུར་རྣམ་གྲངས་དེ་ནི་ས་བབ་མཐོ་བ་དང་། ཆུ་རྐྱལ་གྱི་ལམ་ཐག་རིང་བ། ཆུ་རྒྱུག་ཤུགས་ཆེ་བ། འགྲན་བསྡུར་དཀའ་ཚེགས་ཆེ་བ་བཅས་ཡོད་པས“དགུན་དུས་ཆུ་རྐྱལ་ལ་དགའ་པོ་བྱེད་མཁན་གྱི་ཉེན་ཆེ་སྤྲོ་ཆེའི་ལུས་རྩལ”ཞེས་བརྗོད་ཀྱི་ཡོད་པ་རེད།