༄༅།།༼ སཾ་བོད་དབྱིན་རྒྱའི་ཤན་སྦྱར་ཚིག་མཛོད་ ༽ཀྱི་མིང་བརྡ་བསྡུ་སྒྲིག་ལས་དོན་
དངོས་སུ་སྤེལ་འགོ་ཚུགས་པ།

      མི་དམངས་དྲ་བའི་འཕྲིན། ཉེ་ཆར་བོད་ལྗོངས་སྤྱི་ཚོགས་ཚན་རིག་ཁང་དང་། བོད་ལྗོངས་གསོ་རིག་སློབ་གླིང་། པོ་ཏ་ལའི་རིག་རྫས་དོ་དམ་ཁྲུའུ། བོད་ལྗོངས་སློབ་ཆེན་སོགས་ཀྱི་ཆེད་མཁས་པ་ཚོས་མཉམ་འབྲེལ་ཐོག་བསྡུ་སྒྲིག་བྱེད་པའི་༼ སཾ་བོད་དབྱིན་རྒྱའི་ཤན་སྦྱར་ཚིག་མཛོད་ ༽གི་ལས་གཞིར་གོང་རིམ་སྡེ་ཁག་གི་ཆོག་མཆན་ཐོབ་ནས་མིག་སྔར་མིང་བརྡ་བསྡུ་བཞིན་ཡོད་པ་རེད།
     མིང་བརྡ་བསྡུ་སྒྲིག་ལས་དོན་ཚོགས་པའི་འབྲེལ་ཡོད་ཚོགས་མི་དངོས་གྲུབ་ཚེ་རིང་གིས་ངོ་སྤྲོད་བྱས་པ་ལྟར་ན། ལོ་གཉིས་ཀྱི་རྗེས་སུ་ཚིག་མཛོད་འདི་དངོས་སུ་རྒྱ་ཆེའི་ཀློག་པ་པོ་རྣམས་ཀྱི་མིག་ལམ་དུ་དགྲམ་རྒྱུ་ཡིན་པ་རེད།