༄༅།།དཀྱིལ་འཁོར་བཞེངས་པ།
གསར་འགྱུར་སྤེལ་དུས། 【2015ལོའི་ཟླ་ 01ཚེས་09ཉིན། 14:18】 (རྩོམ་སྒྲིག་འགན་འཁུར་པ། སྙིང་ལྕགས།)
མི་དམངས་དྲ་བའི་འཕྲིན། རྡུལ་ཚོན་གྱི་དཀྱིལ་འཁོར་བཞེངས་པ་འདི་ནི་ཆེས་ཞིབ་ཚགས་ལྡན་པ་ཞིག་ཡིན་པ་མ་ཟད། ཆེས་ཁྱད་དུ་འཕགས་པའི་ཆོས་ལུགས་ཀྱི་སྒྱུ་རྩལ་ཞིག་ཀྱང་རེད། ལོ་ངོ་ཉིས་སྟོང་ལྔ་བརྒྱ་ལྷག་གི་ཡར་སྔོན་དུ་སྟོན་པ་བཅོམ་ལྡན་འདས་ཀྱིས་རང་ཉིད་ཀྱི་སློབ་མར་རྡུལ་ཚོན་གྱི་དཀྱིལ་འཁོར་བཞེངས་ལུགས་འདི་ཁྲིད་པ་དང་། དུས་རབས་བཅུ་གཅིག་པའི་སྐབས་སུ་རྒྱ་གར་བྱང་རྒྱུད་ནས་བོད་དུ་དར་བ་རེད། རྡུལ་ཚོན་གྱི་དཀྱིལ་འཁོར་བཞེངས་པ་ལ་དམིགས་བསལ་གྱི་བྱེ་མ་མཁོ་བ་དང་། དེར་དམར་པོ་དང་། སེར་པོ། ལྗང་གུ། སྔོན་པོ། དཀར་པོ་བཅས་ཀྱི་ཁ་དོག་ཡོད་དགོས་པ་རེད།