༄༅།།ཀན་ལྷོ་བོད་རིགས་རང་སྐྱོང་ཁུལ་ཅོ་ནེ་རྫོང་ལ་ཀྲུང་གོའི་ཐོ་ཡན་སྣག་གཞོང་གི་ཕ་ཡུལ་
ཞེས་པའི་མཚན་སྙན་ཐོབ་པ།

    མི་དམངས་དྲ་བའི་འཕྲིན། ༼ཀན་སུའུ་དཔལ་འབྱོར་ཉིན་རེའི་ཚགས་པར་༽ཐོག་གནས་ཚུལ་སྤེལ་བ་ལྟར་ན། ཉེ་ཆར་ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་ཅོ་ནེ་རྫོང་ལ་ཀྲུང་གོའི་ཐོ་ཡན་སྣག་གཞོང་(洮砚)གི་ཕ་ཡུལ་ཞེས་པའི་མཚན་སྙན་ཐོབ་པ་རེད། ཅོ་ནེ་ཐོ་ཡན་ཤང་ནས་ཐོན་པའི་ཐོ་ཡན་སྣག་གཞོང་དང་། ཏོན་ཞི་ཡུལ་གྱི་སྣག་གཞོང་། ཧྲེ་ཡུལ་གྱི་སྣག་གཞོང་གསུམ་ལ་ཀྲུང་གོའི་སྣག་གཞོང་གྲགས་ཅན་གསུམ་ཞེས་བརྗོད་པ་དང་ད་བར་དུ་ལོ་ངོ་1800ལྷག་ཙམ་གྱི་ལོ་རྒྱུས་ལྡན་ནོ། །